web counter
LEXO PA REKLAMA!

SHKARKO APP

App Store
Google Play

Trump: Copëtimi i rajonit të Donbasit, mënyra më e mirë për dhënien fund të luftës në Ukrainë

20 Tetor 2025, 14:03, Kosova & Bota CNA

Trump: Copëtimi i rajonit të Donbasit, mënyra më e mirë

Presidenti amerikan, Donald Trump, ka sugjeruar se mënyra më e mirë për t'i dhënë fund luftës në Ukrainë do të ishte copëzimi i rajonit të Donbasit, në një mënyrë që do ta linte pjesën më të madhe të rajonit nën kontrollin rus.

 “Le të ndahet ashtu siç është. Është copëtuar tani, mund të lihet ashtu siç është tani. Ata mund të negociojnë diçka më vonë. Por tani për tani, të dyja palët e konfliktit duhet të ndalen në vijën e betejës, të shkojnë në shtëpi, të ndalojnë së luftuari, të ndalojnë së vrari njerëz”,-u tha Trump gazetarëve në bordin e Air Force One.

Komentet e Trump vijnë pas takimit të së premtes në Shtëpinë e Bardhë me presidentin ukrainas Volodymyr Zelensky, ku u diskutua dhënia fund e luftës përmes një ideje për heqje dorë të Ukrainës nga pjesë të mëdha të territorit.

Një ditë më parë, në një program televiziv amerikan, Zelensky deklaroi se ai beson se presidenti rus Vladimir Putin ka frikë se Shtetet e Bashkuara do t’i dorëzojnë Ukrainës raketat Tomahawk, që mund të bëhet pengesë për një marrëveshje paqeje mes dy vendeve./CNA





Lajmet e fundit nga