web counter
LEXO PA REKLAMA!

SHKARKO APP

App Store
Google Play

Pesë vite në qeli/ Ish-presidenti Sarkozy nis sot dënimin

21 Tetor 2025, 09:13, Kosova & Bota CNA

Pesë vite në qeli/ Ish-presidenti Sarkozy nis sot dënimin

Ish-presidenti francez, Nicolas Sarkozy, nis sot dënimin e tij me burg për 5 vite. Sarkozy akuzohet për konspiracion kriminal në një përpjekje për të përdorur paratë libiane për të financuar fushatën e tij zgjedhore të vitit 2007.

Sarkozy është presidenti i parë në historinë e Francës që dënohet me burg. Dënim të cilin do ta vuajë në burgun La Santé të Parisit, burg që ka strehuar disa nga të burgosurit më të njohur që nga vitet 1800.

Ndër të burgosurit e La Sante kanë qenë Kapiten Alfred Dreyfus, i dënuar gabimisht për tradhti sepse ishte hebre, dhe militantin venezuelas të njohur si Carlos Çakalli, i cili kreu disa sulme në tokën franceze.

Gjykata e Parisit vendosi në shtator të këtij viti dënimin e ish-presidentit Sarkozy me 5 vite heqje lirie.

Sipas vendimit, ish-presidenti francez do të jetë në gjendje të paraqesë një kërkesë për lirim në Gjykatën e Apelit vetëm pasi të jetë pas hekurave, dhe gjyqtarët do të kenë deri në dy muaj kohë për të përpunuar kërkesën.

Ish-presidenti ka mohuar çdo shkelje dhe ka protestuar kundër vendimit që ai duhet të mbahet në burg në pritje të apelimit.

“Nuk kam frikë nga burgu. Do ta mbaj kokën lart, përfshirë edhe para dyerve të La Santé. Do të luftoj deri në fund”, tha Sarkozy për gazetën "La Tribune Dimanche"./CNA





Lajmet e fundit nga