web counter
LEXO PA REKLAMA!

SHKARKO APP

App Store
Google Play

E fundit!

x

Çmontohet laboratori i kokainës në Spanjë, prodhonte 100 kilogramë drogë në muaj

8 Maj 2024, 09:49, Kosova & Bota CNA
Çmontohet laboratori i kokainës në Spanjë, prodhonte 100
Aksioni i policisë

Garda Civile Spanjolle arrestoi 20 të dyshuar pasi "çmontoi" një bandë që zotëronte një laborator kokaine të aftë për të prodhuar 100 kilogramë drogë çdo muaj.

Një numër i të arrestuarve u konsideruan nga forcat e rendit si objektiva me vlerë të lartë për përfshirjen e tyre në raste të shumta të trafikut të drogës, raporton Europol. 

Oficerët e Guardia Civil, duke punuar së bashku me Europol dhe Administratën Amerikane të Zbatimit të Drogës (DEA), sekuestruan 21 kazanë me kimikate të lëngshme dhe të ngurta që përdoren për nxjerrjen dhe përpunimin e kokainës pasi zbuluan laboratorin pranë Madridit.

Operacioni, i cili përfshinte kontrolle të 27 pronave në provincat e Pontevedra, A Coruna dhe Madrid, çoi gjithashtu në sekuestrimin e 3 milionë eurove në para. U sekuestruan edhe 10 milionë euro pasuri të tjera, si shtëpi luksoze, automjete dhe mjete rekreative.

Personat e arrestuar, nga të cilët 19 janë shtetas spanjollë dhe një nga Kolumbia, dyshohet se kanë importuar ton kokainë nga Amerika e Jugut në Spanjë duke përdorur mjete rekreative. Ata besohet se kanë marrë me qira varka me vela për të transportuar ngarkesën e tyre të paligjshme në Evropë./CNA 

 





Lajmet e fundit nga