web counter
LEXO PA REKLAMA!

SHKARKO APP

App Store
Google Play

Mijëra iranianë në shesh i japin lamtumirën presidentit Ebrahim Raisi

21 Maj 2024, 09:40, Kosova & Bota CNA
Mijëra iranianë në shesh i japin lamtumirën presidentit
Ceremonia mortore

Mijëra iranianë kanë dalë në shesh për t'i dhënë lamtumirën presidentit Ebrahim Raisi, i cili humbi jetën në një aksident me helikopter. 

Ceremonia e parë mortore po zhvillohet në Tabriz në veriperëndim të vendit, rajoni ku ndodhi përplasja të dielën.

Mijëra njerëz kanë dalë në rrugë në Tabriz për të mbajtur zi për Presidentin Raisi.

Ndërkohë trupi i Raisi-t pritet të varroset të enjten në vendlindjen e tij, Mashhad. 

Udhëheqësi suprem i Iranit, Ayatollah Ali Khamenei, ka shpallur pesë ditë zie pas humbjes së presidentit.

Raisi humbi jetën në një aksident me helikopter në një zonë malore të Iranit veriperëndimor, së bashku me ministrin e Jashtëm, Hossein Amir-Abdollahian.

Ajatollah Khamenei tha se ai i ofroi ngushëllimet e tij popullit të Iranit. Raisi, 63 vjeç, ishte cilësuar si pasardhës i mundshëm i liderit suprem.

Media shtetërore tha se zgjedhjet do të mbaheshin më 28 qershor për të zgjedhur një president të ri.

Ndërkohë, zëvendëspresidenti Mohammad Mokhber është emëruar për të marrë detyrat e përkohshme./CNA 





Lajmet e fundit nga