web counter
LEXO PA REKLAMA!

SHKARKO APP

App Store
Google Play

E fundit!

x

Putin-i thotë se presidenti i Iranit ishte "mik i vërtetë i Rusisë"

20 Maj 2024, 12:36, Kosova & Bota CNA
Putin-i thotë se presidenti i Iranit ishte "mik i vërtetë i
Vladimir Putin dhe Ebrahim Raisi

Presidenti rus, Vladimir Putin, e përshkroi presidentin iranian, Ebrahim Raisi, si një "politikan të shquar" dhe tha se vdekja e tij ishte një "humbje e pariparueshme", sipas një deklarate nga Kremlini.

"Si një mik i vërtetë i Rusisë, ai dha një kontribut të paçmuar personal në zhvillimin e marrëdhënieve të fqinjësisë së mirë midis vendeve tona dhe bëri përpjekje të mëdha për t'i sjellë ato në nivelin e partneritetit strategjik", tha Putin-i.

Ministri i Jashtëm rus, Sergey Lavrov, e përshkroi Raisin dhe ministrin e Jashtëm iranian Hossein Amir-Abdollahian si "miq të vërtetë dhe të besueshëm të vendit tonë" dhe shtoi se ishte "thellësisht i pikëlluar" nga vdekja e tyre.

"Roli i tyre në forcimin e bashkëpunimit me përfitim të ndërsjellë ruso-iranian dhe partneritetin e besueshëm është i paçmuar. Ne sinqerisht ngushëllojmë familjet dhe miqtë e viktimave, si dhe me të gjithë popullin mik të Iranit," tha Lavrov.

Marrëdhëniet gjithnjë e më të ngushta midis Rusisë dhe Iranit janë bërë më të dukshme që nga pushtimi i Ukrainës nga Rusia. Irani i ka ofruar Rusisë drone Shahed që janë përdorur për të qëlluar në Ukrainë.

Ndërkohë, Ali Bagheri Kani, i cili ka udhëhequr delegacionet iraniane përmes negociatave indirekte me Shtetet e Bashkuara mbi çështjet bërthamore dhe shkëmbimin e të burgosurve, është emëruar ushtrues detyre i ministrit të Jashtëm pas vdekjes së Hossein Amir-Abdollahian./CNA 

 





Lajmet e fundit nga