web counter
LEXO PA REKLAMA!

SHKARKO APP

App Store
Google Play

E fundit!

x

U qëllua disa herë me armë zjarri/ Kryeministri sllovak, jashtë rrezikut për jetën

19 Maj 2024, 12:12, Kosova & Bota CNA

U qëllua disa herë me armë zjarri/ Kryeministri sllovak,

Kryeministri Robert Fico ndodhet jashtë rrezikut për jetën. Gjendja e tij mbetet e rëndë. Zëvendëskryeministri dhe ministri i Mbrojtjes Robert Kali?ák dha detaje mbi gjendjen shëndetësore të kryeministrit sllovak.

“Në bazë të këshillit të mjekëve, mund të konstatojmë se pacienti aktualisht ndodhet jashtë rrezikut për jetën. Gjendja e tij mbetet shumë e rëndë dhe i duhet një kohë e gjatë dhe pushim për t'u rikuperuar. Ne besojmë fort se gjithçka do të shkojë në drejtimin e duhur”, tha ai.

Zëvendëskryeministri shtoi se transferimi i kryeministrit në një spital tjetër në të ardhmen e afërt nuk është as i planifikuar dhe as i mundshëm. Duke e konsideruar gjendjen stabile shëndetësore të kryeministrit me prognozë pozitive, ai bëri të ditur se spitali do të informojë për situatën me deklarata të rregullta në ditët në vijim.

Pas atentatit, Fico iu nënshtrua një operacioni pesë-orësh në spitalin universitar në Banska Bystrica. Të premten, mjekët më pas kryen një procedurë tjetër për të hequr indet e vdekura nga plagët e marra me armë zjarri.

Sulmuesi, i cili qëlloi ndaj Fico-s pas mbledhjes së qeverisë në Handlova, u dërgua në paraburgim nga gjykata të shtunën. Sulmuesi, shkrimtari dhe aktivisti 71-vjeçar Juraj Cintula, do të vuajë 25 vjet burg ose burgim të përjetshëm për tentativë vrasjeje./ CNA





Lajmet e fundit nga