web counter
LEXO PA REKLAMA!

SHKARKO APP

App Store
Google Play

E fundit!

x

Reagimet e liderëve botërorë për humbjen e jetës së presidentit iranian

20 Maj 2024, 10:02, Kosova & Bota CNA
Reagimet e liderëve botërorë për humbjen e jetës
Ebrahim Raisi

Nuk kanë qenë të pakta reagimet për humbjen e jetës së presidentit iranian, Ebrahim Raisi. 

Kryeministri indian, Narendra Modi, shprehet në një postim në rrjetet sociale se është "thellësisht i pikëlluar dhe i tronditur nga vdekja tragjike" e Presidentit Raisi dhe kombi i tij "qëndron me Iranin" gjatë kësaj "kohe pikëllimi".

Ndërkohë, kryeministri i Pakistanit, Shehbaz Sharif, ka thënë se vdekja e Raisi-t është një "humbje e tmerrshme" dhe kombi i tij do të mbajë një ditë zie.

Presidenti i Emirateve të Bashkuara Arabe, Mohammed bin Zayed Al Nahyan, shprehet se vendi i tij qëndron me Iranin gjatë kësaj kohe, raporton agjencia e lajmeve "Reuters".

Ndërsa Presidenti Nicolás Maduro i Venezuelës e ka vlerësuar Presidentin Raisi si një mik të pakushtëzuar dhe një udhëheqës të jashtëzakonshëm. 

Sakaq, Libani ka shpallur tri ditë zie për vdekjen e presidentit iranian, Ebrahim Raisi, tha ministri i Jashtëm libanez, Najib Mikati. Hezbollah me bazë në Liban – një nga forcat paraushtarake më të forta në Lindjen e Mesme, është partneri më i fuqishëm joshtetëror i Iranit.

Nuk ka munguar edhe një reagim nga Hamasi. Në deklaratën e publikuar në faqen zyrtare të Hamasit thuhet se grupi ka "ndarë ndjenjat e trishtimit dhe dhimbjes me popullin vëlla iranian" dhe "solidaritetin tonë të plotë" me Iranin.

Irani - një armik i betuar i Izraelit që nga Revolucioni Islamik i tij i vitit 1979 - ka shpenzuar vite duke ndërtuar forca përfaqësuese në Lindjen e Mesme, duke përfshirë Hamasin duke e mbështetur atë me fonde, armë dhe trajnime./CNA 





Lajmet e fundit nga