web counter
LEXO PA REKLAMA!

SHKARKO APP

App Store
Google Play

Merz: Optimist se marrëveshja tregtare BE-SHBA do të arrihet së shpejti

9 Korrik 2025, 15:20, Kosova & Bota CNA

Merz: Optimist se marrëveshja tregtare BE-SHBA do të arrihet së

Kancelari i Gjermanisë, Friedrich Merz, tha se ishte optimist që Bashkimi Europian do të siguronte një marrëveshje tregtare me SHBA-në brenda pak ditëve të ardhshme, ose më së voni deri në fund të muajit.

"Unë vetë jam gjithashtu në kontakt të ngushtë me qeverinë amerikane, me presidentin dhe Komisionin Europian",-u tha Merz ligjvënësve në Bundestag të mërkurën.

Merz tha se qëllimi është të arrihet një marrëveshje sa më shpejt të jetë e mundur që lidh tregtinë e ndërsjellë midis SHBA-së dhe Bashkimit Europian me tarifat më të ulëta të mundshme.

Ndërsa pauza e Presidentit Trump për të ashtuquajturat "tarifa reciproke" do të përfundojë më 1 gusht, administrata amerikane ka filluar t'u dërgojë letra partnerëve tregtarë, duke i njoftuar ata për detyrimet që do të aplikohen në eksportet e tyre amerikane.

Përveç të ashtuquajturave detyrime “kthyese”, BE-ja po përballet gjithashtu me një tarifë prej 25% për automobilat dhe pjesët e makinave të dërguara në SHBA, si dhe një tarifë prej 50% për eksportet e çelikut dhe aluminit. Të dyja palët tani po kërkojnë përjashtime për të lehtësuar ndikimin në industri të caktuara./CNA





Lajmet e fundit nga