web counter
LEXO PA REKLAMA!

SHKARKO APP

App Store
Google Play

Pesë zyrtarë policorë dalin sot para gjykatës pas vdekjes së 27-vjeçarit në Lipjan

9 Korrik 2025, 10:45, Kosova & Bota CNA

Pesë zyrtarë policorë dalin sot para gjykatës pas vdekjes

Pesë zyrtarë të Policisë së Kosovës do të paraqiten sot para Gjykatës Themelore në Prishtinë, dega në Lipjan, nën dyshimet për përfshirje në një ndërhyrjeje, që përfundoi me vdekjen e një të riu 27-vjeçar.

Rasti ka ndodhur në orët e para të 7 korrikut në Lipjan, ndërsa në mbrëmje janë arrestuar të pesë policët që janë marrë me rastin, nën dyshimet se kanë kryer veprën penale “vrasje nga pakujdesia”.

Policia ka thënë se i ndjeri, i identifikuar si Agon Zejnullahu, dyshohet se ka qenë nën ndikimin e alkoolit dhe duke sulmuar automjete e kalimtarë, kur është ndaluar nga autoritetet e rendit.

Presidentja e Kosovës, Vjosa Osmani, ka bërë thirrje për transparencë të plotë, përgjegjësi institucionale dhe drejtësi pa kompromis lidhur me rrethanat e vdekjes së një të riu 27-vjeçar në Lipjan, pas arrestimit nga zyrtarët policorë.

Ministri në detyrë i Punëve të Brendshme të Kosovës, Xhelal Sveçla, ka thënë se hetimet janë duke u zhvilluar me intensitet maksimal dhe se kushdo që rezulton fajtor për vdekjen e të riut, do të marrë dënimin e merituar.

Nga pamjet e shpërndara në mediat sociale, që thuhet se janë nga rasti në Lipjan, viktima duket me duar të lidhura dhe në gjunjë, ndërsa më pas bartet me autoambulancë.

Familja ka deklaruar se është e zhgënjyer me mungesën e deritashme të transparencës nga autoritetet.

Vëllai i viktimës, duke folur për disa media në Prishtinë më 8 korrik, tha se familjarët nuk kanë marrë asnjë sqarim nga policia, ndërsa trupi i të ndjerit “ka pasur shumë shenja dhe thyerje”./ REL





Lajmet e fundit nga