web counter
LEXO PA REKLAMA!

SHKARKO APP

App Store
Google Play

Lajm i mirë për Kosovën/ Komiteti i Ministrave “i jep dritën jeshile” anëtarësimit në KiE

24 Prill 2023, 16:30, Kosova & Bota CNA

Lajm i mirë për Kosovën/ Komiteti i Ministrave “i jep

Komiteti Ministror i Këshillit të Evropës, i cili përfaqëson 46 shtetet anëtare, mori sot vendimin që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës.

Ky vendim u mor në mbledhjen e jashtëzakonshme, me më shumë se 2/3 e votave.

Lajmin e ka bërë të ditur ministrja e Punëve të Jashtme e Kosovës, Donika Gërvalla.

Me anë të një statusi në rrjetet sociale, Gërvalla e cilëson këtë si një hap historik që përmbyll një etapë të rëndësishme drejt anëtarësimit të plotë.

“Për shtetin tonë të ri, vendimi i sotëm përbën një hap historik, ndoshta më të rëndësishmin pas pavarësisë sonë. Me këtë vendim përmbyllet një etapë e rëndësishme drejt anëtarësimit të plotë.

Mbetet edhe shumë punë për të bërë. Procesi i anëtarësimit është i gjatë dhe plot sfida. Por Republika e Kosovës në fund të procesit do ta zërë vendin e saj të merituar si anëtare e Këshillit të Evropës”, shkruan ajo ndër të tjera.

Më tej ajo thekson se Kosova ka edhe shumë punë për të bërë dhe shumë sfida për të përballuar.

“Kur në maj të vitit të kaluar, pra para më pak se një viti, dorëzuam në Këshillin e Evropës kërkesën për anëtarësim, numri i skeptikëve ishte i madh. Sot e dijmë se sa i rëndësishëm dhe vendimtar ka qenë guximi i atyre ditëve.

Falë vullnetit të palëkundur të qytetarëve të Republikës së Kosovës për sundim të ligjit dhe demokraci, të shprehur në votën masive të 14 shkurtit, Kosova, si shembulli më i mirë i demokracisë në rajon, do të ecë e sigurtë në rrugën e saj euroatlantike. Ka edhe shumë punë për të bërë, shumë sfida për të përballuar, por dita e sotme meriton të festohet denjësisht”, thekson ministrja./ CNA.al





Lajmet e fundit nga