web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në veri të Kosovës/ Zbulohen fituesit në katër komuna

23 Prill 2023, 20:48, Kosova & Bota CNA

Zgjedhjet në veri të Kosovës/ Zbulohen fituesit në

Lëvizja Vetëvendosje tha se ka fituar “bindshëm” në garat për kryetarë komune në Mitrovicë të Veriut dhe Leposaviç.

Sipas Armend Mujës, kreut të Lëvizjes Vetëvendosje në Mitrovicë, partia e tij ka fituar mbi 60 për qind të votave në zgjedhjet për kryetarë në katër komunat në veri.

Ai pretendoi se në Mitrovicë të Veriut kanë fituar mbi 65 për qind të votave, ndërkaq në Leposaviq mbi 70 për qind.

“Garë më e ngushtë është në Zubin Potok”, tha ai për mediat.

Ndërkaq, kandidati i Lëvizjes Vetëvendosje për kryetar të Komunës së Mitrovicës së Veriut, Erden Atiq, tha se ai do të jetë kryetari i ri i kësaj komune.

“Do të jem kryetar komune i të gjithë qytetarëve pa dallim. Po na presin punë të mëdha përpara. U bëj apel të gjithë qytetarëve që të kenë besim në institucionin e komunës dhe në mua si kryetar komune”, tha ai për mediat.

Atiç tha se do të bashkëpunojë me të gjitha komunitetet.

Partia Demokratike e Kosovës ka shpallur fitoren në Zubim Potok dhe Zveçan. Kurse, Lëvizja Vetëvendosje, ka shpallur fitoren në Mitrovicë të Veriut dhe Leposaviq.

Kështu bënë të ditur ekipet e KosovaPress-it në veri. Sa i përket Zveçanit, Lëvizja Vetëvendosje thotë se janë në pritje të rezultateve.

Sipas KQZ-së, në zgjedhjet e jashtëzakonshme lokale për kryetarët e Mitrovicës së Veriut, Leposaviqit, Zveçanit dhe Zubin Potokut, votuan 1.567 qytetarë.

Zgjedhjet u bojkotuan nga Lista Serbe, partia serbe që mbështetet nga Serbia, dhe që deri më tani ka udhëhequr katër komunat në veri të Kosovës, të banuara me shumicë serbe.

 





Lajmet e fundit nga