web counter
LEXO PA REKLAMA!

SHKARKO APP

App Store
Google Play

E fundit!

x

Kurti: Ka të arrestuar dhe dëshmi materiale për sulmin në Ibër-Lepenc

30 Nëntor 2024, 13:12, Kosova & Bota CNA

Kurti: Ka të arrestuar dhe dëshmi materiale për sulmin në

Kryeministri i Kosovës, njoftoi të shtunën se disa të dyshuar janë arrestuar dhe se janë gjetur prova materiale në lidhje me një shpërthim ndaj kanalit të ujit të Ibër-Lepencit në veri të vendit një ditë më parë.

“Policia po zhvillon hetime, ka kryer bastisje. Ka arrestime, dëshmi e prova materiale dhe të gjithë këta kriminelë e terroristë do të përballen me drejtësinë dhe fuqinë e ligjit të drejtë të Kosovë”, tha Kurti për gazetarë gjatë një vizite te kanali i dëmtuar në fshatin Varragë të komunës së Zubin Potokut.

Kurti, i cili e ka fajësuar Serbinë për përfshirje në këtë sulm, nuk tregoi sa të dyshuar janë arrestuar dhe as nuk dha hollësi për provat që tha janë gjetur.

Më herët të shtunën, Policia e Kosovës tha se është duke kryer bastisje në veri të vendit në lidhje me sulmin ndaj kanalit, i cili furnizon me ujë disa qytete të vendit, si dhe Korporatën Energjetike të Kosovës për ftohjen e termoelektranave të saj.

Nuk është thënë saktësisht se çfarë eksplozivi është përdorur në sulmin ndaj kanalit, por ministri i Punëve të Brendshme, Xhelal Sveçla, ka deklaruar se bëhet fjalë për “eksploziv që nuk është i lehtë për t’u gjetur në tregun e zi”./ REL





Lajmet e fundit nga