web counter
LEXO PA REKLAMA!

SHKARKO APP

App Store
Google Play

E fundit!

x

Kriza politike në Kosovë/ Marta Kos: Nuk jam e kënaqur që do të kenë përsëri zgjedhje

23 Nëntor 2025, 22:49, Kosova & Bota CNA

Kriza politike në Kosovë/ Marta Kos: Nuk jam e kënaqur që do

Komisionerja e BE për Zgjerimin, Marta Kos ka folur lidhur me krizën politikë në Kosovë. Kos u shpreh në një intervistë se nuk është e kënaqur që në Kosovë do të ketë përsëri zgjedhje. Por shtoi se, demokracia e tyre po funksionon. Komisionerja bëri me dije se pritet ratifikimi i dy marrëveshjeve për Planin e Rritjes për Kosovën.

“Për çështjen e Kosovës, nuk jam e kënaqur që tani do të kenë përsëri zgjedhje, por demokracia e tyre po funksionon dhe jam e kënaqur për këtë. Pse nuk jam e kënaqur? Sepse po presim ratifikimin e dy marrëveshjeve për Planin e Rritjes. Pra, për momentin, Kosova po i bën reformat, por ne nuk mund t’i paguajmë paratë sepse nuk i kemi këto dy marrëveshje. Nga ana tjetër, siç e dini, Kosova, edhe duke mos qenë ende kandidate zyrtarisht, është plotësisht e përafruar me politikën e jashtme dhe të sigurisë evropiane, ashtu si dhe vendi tuaj, Shqipëria. Ju keni marrëdhënie shumë të mira me këtë vend, që do të thotë se nuk mund ta përfytyroj përfundimin e bashkimit të Evropës pa integruar edhe Kosovën në Bashkimin Evropian. Pra, do të punojmë për këtë. Unë shpresoj se së shpejti, pas zgjedhjeve, do të kemi një qeveri të re dhe pastaj, qeveria është ajo që mund të shtyjë përpara reformat. Dhe jam e sigurt se janë të gatshëm ta bëjnë këtë në aspektin ekonomik. Po ecin shumë mirë. Ata kanë kryer tashmë disa nga reformat, kështu që mezi pres që të kenë një qeveri funksionale dhe efikase dhe, pastaj, do të mund të përshpejtojmë, ndoshta në një moment tjetër, edhe procesin e anëtarësimit”, u shpreh komisionerja europiane. /CNA 





Lajmet e fundit nga