web counter
LEXO PA REKLAMA!

SHKARKO APP

App Store
Google Play

Europa propozon ndryshime në planin e SHBA-së për Ukrainën/ Ja cilat janë pikat kryesore që preken

23 Nëntor 2025, 18:03, Kosova & Bota CNA

Europa propozon ndryshime në planin e SHBA-së për Ukrainën/

Liderët europianë kanë propozuar ndryshime në planin e SHBA-së për paqe, në një përpjekje për një kornizë më të ekuilibruar për përfundimin e luftës në Ukrainë.

Ky propozim i europianëve vjen pasi plani fillestar SHBA-Rusi, i cili përfshinte 28 pika, kishte shkaktuar reagime të forta dhe u konsiderua shumë i ashpër për Kievin, duke parashikuar, ndër të tjera, lëshimin e territorit dhe një reduktim drastik të forcave të armatosura ukrainase.

Kundërpropozimi evropian, sipas një dokumenti të cituar nga Reuters, ka ndryshuar disa nga pikat kryesore të planit origjinal dhe përfshin:

Një numër prej 800,000 ushtarësh për ushtrinë ukrainase në kohë paqeje, në vend të propozimit amerikan prej 600,000.

Pranimi i Ukrainës në NATO do të varet nga pëlqimi i të gjithë anëtarëve të Aleancës.

NATO nuk do të mbajë forca të përhershme nën komandën e saj në territorin ukrainas në kohë paqeje.

Ukraina do të kompensohet financiarisht, kryesisht përmes aseteve ruse që do të mbeten të ngrira derisa Moska të paguajë dëmshpërblime për dëmet e luftës.

Kievi do të angazhohet të mos rimarrë territoret e pushtuara me mjete ushtarake.

Negociatat për shkëmbimet territoriale do të fillojnë në të ashtuquajturën "vijë kontakti".

Ukraina do të mbajë zgjedhje sa më shpejt të jetë e mundur pas nënshkrimit të një marrëveshjeje paqeje.

Së fundmi, Ukraina do të marrë garanci sigurie nga Shtetet e Bashkuara të Amerikës, njëjtë me ato të parashikuara në Nenin 5 të NATO-s, pra mbrojtje e përbashkët në rast të një sulmi. /CNA





Lajmet e fundit nga