web counter
LEXO PA REKLAMA!

SHKARKO APP

App Store
Google Play

E fundit!

x

Ndërprerja e transportit publik në Prishtinë/ Reagon Ministri në detyrë i Financave

23 Nëntor 2025, 17:09, Kosova & Bota CNA

Ndërprerja e transportit publik në Prishtinë/ Reagon Ministri

Ministri në detyrë i Financavë në Kosovë, Hekuran Murati ka reaguar lidhur me ndërprerjen e transportit publik në Prishtinë. Përmes një postimi në rrjetet sociale, Murati shprehet se Thesari kishte alokuar buxhetin e dhjetorit për Komunën e Prishtinës, para kohe më qëllim që të paguheshin disa fatura për shërbime esenciale.

Por sipas tij, stafi i Komunës së Prishtinës kishin përfunduar orarin dhe nuk e kishin kryer asnjë pagesë. Ai shprehet se ky është një skënar i kryetarit Përparim Rama më nënkryetarët, për të nxjerrë fajtore qeverinë.

Reagimi i plotë:

Të premten pasdite, Thesari e ka alokuar buxhetin e dhjetorit për Komunën e Prishtinës, para kohe, me idenë që të paguheshin disa fatura për shërbime esenciale, siç ishte energjia elektrike. Mirëpo në fund të ditës, nga Thesari më njoftuan që përkundër alokimit, stafi i Komunës së Prishtinës kishin përfunduar orarin dhe nuk e kishin kryer asnjë pagesë, me arsyetimin se “i kryejmë të hënën”.

Fillimisht u habita, sepse kjo sjellje e tyre nuk përkonte me urgjencën që kishin paraqitur, kur kishin kërkuar alokim të parakohshëm. Në vend se të paguanin faturat gjatë orarit të punës, Përparim Rama me nënkryetarët e tij kishin vendosur që të bëjnë propagandë anti-qeveri gjatë fundjavës, duke u ankuar për gjoja bllokadën.

Sepse po të paguanin faturat të premten, s’do të mund të vazhdonin propagandën të shtunën e të dielen. Kjo e sqaron edhe arsyen pse Lumir Abdixhiku me deputetët tjerë të LDK-së nuk e votuan buxhetin për Prishtinën në Kuvend. Sepse në mungesë të kauzave reale, paskan vendosur që të mos i kursejnë as qytetarët e Prishtinës, me shpresën që mos dikush rastësisht u beson se fajin e paska Qeveria. /CNA





Lajmet e fundit nga