web counter
LEXO PA REKLAMA!

SHKARKO APP

App Store
Google Play

E fundit!

x

Rubio: Bisedimet për Ukrainën janë në një fazë të avancuar, mund të arrihet një marrëveshje

23 Nëntor 2025, 22:02, Kosova & Bota CNA

Rubio: Bisedimet për Ukrainën janë në një fazë

Sekretari i Shtetit i SHBA-së, Marco Rubio në një tjetër deklaratë nga Gjeneva, tha se bisedimet midis Shteteve të Bashkuara dhe Ukrainës mbi një plan paqeje janë në një fazë të avancuar dhe kanë përparuar ndjeshëm. Duke folur me gazetarët, Rubio tha se ndihet optimist se mund të arrihet një marrëveshje.

"Kemi bërë përparim të jashtëzakonshëm", theksoi ai, por duke shmangur dhënien e ndonjë detaji specifik rreth përmbajtjes së planit.

Pavarësisht retorikës pozitive, ai sqaroi se ky nuk është ende një rezultat përfundimtar.

"Nuk dua të flas për fitoren apo finalizimin. Ka ende punë për t'u bërë, por ne jemi shumë më përpara sot sesa ishim këtë mëngjes dhe sigurisht më përpara sesa ishim një javë më parë", u shpreh ai. 

Kreu i diplomacisë amerikane nuk e përmendi afatin e së enjtes të vendosur nga Trump për përfundimin e marrëveshjes, duke thënë vetëm se shpreson se do të ketë një rezultat së shpejti.

Në pyetjet e vazhdueshme nga gazetarët, ai përsëriti se nuk do të hyjë në detaje, pasi plani është endenë zhvillim e sipër.

"Thjesht na duhet më shumë kohë sesa kemi sot. Unë besoj sinqerisht se do t'ia dalim mbanë", tha Rubio në fund të fjalës së tij. /CNA





Lajmet e fundit nga