web counter
LEXO PA REKLAMA!

SHKARKO APP

App Store
Google Play

E fundit!

x

Koreja e Veriut teston dron nënujor të aftë për sulm bërthamor

8 Prill 2023, 09:58, Kosova & Bota CNA

Koreja e Veriut teston dron nënujor të aftë për sulm

Foto ilustruese

Koreja e Veriut ka kryer një tjetër provë të një droni nënujor të aftë për një sulm bërthamor, njoftuan mediat shtetërore të Koresë së Veriut. 

Autoritetet vendase bënë testin ujor nënujor me një dron me aftësi bërthamore të quajtur "haeil-2" gjatë periudhës 4-7 prill raportuan mediat, më shumë se një javë pasi u testua një dron i ri nënujor i quajtur "haeil-1", që do të thotë cunami.

Agjencia shtetërore e lajmeve KCNA raportoi se droni nënujor përshkoi 1000 kilometra në 71 orë e gjashtë minuta gjatë provës dhe goditi me sukses një objektiv.

Testi vërtetoi në mënyrë të përsosur besueshmërinë e sistemit të armëve strategjike të nëndetëseve dhe aftësinë e tij sulmuese, raportoi KCNA.

Agjencia tha se droni nënujor do të ndihmonte në kontrollin e veprimeve ushtarake kundër Koresë së Veriut. 

Koreja e Veriut ka testuar rregullisht armë të ndryshme për muaj të tërë dhe ka rritur aktivitetin e saj javët e fundit në përgjigje të stërvitjeve të përbashkëta ushtarake SHBA-Koree Jugore. 

Javët e fundit, Pheniani ka prezantuar koka të reja bërthamore më të vogla dhe ka lëshuar një raketë balistike ndërkontinentale të aftë për të goditur territorin amerikan, kujton agjencia britanike./ CNA.al 





Lajmet e fundit nga