web counter
LEXO PA REKLAMA!

SHKARKO APP

App Store
Google Play

E fundit!

x

Vuçiç: Kosova do të mbetet në Serbi, por do të vuajmë shumë

7 Prill 2023, 09:00, Kosova & Bota CNA
Vuçiç: Kosova do të mbetet në Serbi, por do të
Presidenti i Serbisë, Aleksandar Vuçiç

Presidenti i Serbisë, Aleksandar Vuçiç, gjatë një interviste, është shpreur se Kosova do të jetë në Serbi, por do të vuajnë shumë.

“Unë mendoj se Kosova do të jetë në Serbi dhe këtë e kam thënë edhe në Kuvend. Pas meje, pyet dikë tjetër. Mendoj se Kosova do të jetë në Serbi, edhe pse mendoj se do të vuajmë shumë”, tha presidenti i Serbisë, Aleksandar Vuçiç, në një paraqitje në transmetuesin publik serb "RTS".

Më tutje, ai shtoi se tre serbë kanë shpëtuar nga prangat në vendkalimet kufitare Jarinjë dhe Bërnjak. Sipas tij, institucionet e Kosovës po e bëjnë këtë që të pushtojnë me forcë dhe të sundojnë në atë mënyrë.

“Po arrestojnë djemtë më të aftë për të kundërshtuar veprimet e tyre në veri të Kosovës”, tha Vuçiçi.

“Perëndimi hesht. Ata duan të mbajnë disa ‘zgjedhje lokale’, dhe kandidatët e tyre të vetëm janë partitë e Kurtit dhe Thaçit. Serbët nuk do të marrin pjesë në ato zgjedhje. Imagjinoni atë demokraci në të cilën vijnë për të na kripur mendjen në Beograd se ‘nuk ka mjaft demokraci’, dhe këtu fajin e kanë serbët”, tha Vuçiçi.

Gjithashtu komentoi deklaratën e përfaqësuesit amerikan në Kosovë, Geoffrey Hovenier, i cili vlerësoi demokracinë dhe raportin e shqiptarëve ndaj objekteve të shenjta.

“Ndoshta sepse i dogjën dhe i shkatërruan të gjitha. Letra duron gjithçka. Si ka mundësi që Perëndimi t’i bëjë të gjitha këto kur Prishtina liron Azem Kurtajn, i cili qëlloi fëmijët serbë dhe arreston Ivan Todosijeviqin për të vërtetën për Reçakun”, shtoi Vuçiçi./ CNA.al





Lajmet e fundit nga