web counter
LEXO PA REKLAMA!

SHKARKO APP

App Store
Google Play

E fundit!

x

Kompania ajrore ‘Airbus’ konfirmon një problem me rëndësi në avionët e llojit A320

2 Dhjetor 2025, 16:55, Kosova & Bota CNA

Kompania ajrore ‘Airbus’ konfirmon një problem me

Kompania ajrore ‘Airbus’ ka konfirmuar se po përballet me një problem të ri industrial të cilësisë që përfshin panelet metalike të përdorura në disa nga avionët e familjes A320. Konfirmimi vjen menjëherë pasi kompanisë iu desh të tërhiqte mbi 6000 avionë për të rregulluar një problem softuerik.

Mediat ndërkombëtare ka raportuar më herët për këtë rast se ‘Airbus’ kishte gjetur probleme me panelet e trupit të një numri të madh të avionëve të familjes A320.

Airbus tha se lajmi i mirë është se asnjë nga panelet e prekura nuk ishte instaluar në avionët që tashmë fluturonin. Por pavarësisht kësaj, lajmi bëri që aksionet e kompanisë të binin, të cilat ranë deri në 11% përpara se të mbylleshin me gati 6% më poshtë.

 “Airbus konfirmon se ka identifikuar një problem cilësor që prek një numër të kufizuar të paneleve metalike të A320. Burimi i problemit është identifikuar, është kontrolluar dhe të gjitha panelet e prodhuara rishtazi i plotësojnë të gjitha kërkesat”,-thuhet në një deklaratë nga kompania.

Airbus përdor furnizues të brendshëm dhe të jashtëm për strukturat e avionëve të saj. Pjesa e përparme e trupit të A320 prodhohet përgjithësisht në Francë, ndërkohë, pjesa e pasme vjen nga Gjermania.

Kompania ka tërhequr më shumë se gjysmën e flotës globale të A320 gjatë fundjavës. Kjo i detyroi linjat ajrore kryesore të ndalonin operacionet në nivel global, me Indinë dhe Shtetet e Bashkuara që ishin ndër më të prekurat./CNA

 

 

 





Lajmet e fundit nga