web counter
LEXO PA REKLAMA!

SHKARKO APP

App Store
Google Play

E fundit!

x

Trump: Kam bërë zgjedhjen time për kryetarin e ardhshëm të Rezervës Federale

1 Dhjetor 2025, 17:43, Kosova & Bota CNA

Trump: Kam bërë zgjedhjen time për kryetarin e ardhshëm

Presidenti amerikan Donald Trump ka deklaruar se ka vendosur për zgjedhjen e tij për kryetarin e ardhshëm të Rezervës Federale të Shteteve të Bashkuara. Trump ka bërë të qartë se pret që kandidati i tij të sjellë ulje të normave të interesit.

“E di se kë do të zgjedh, po. Do ta shpallim”,- u tha Trump gazetarëve në Air Force One.

Trump e ka kritikuar shpesh shefin aktual të Rezervës Federale, Jerome Poëell, për dështimin për të ulur normat shpejt dhe ka sinjalizuar se dëshiron një kryetar që do të ndjekë më me forcë uljet.

Në mediat amerikane raportohet se Drejtori i Këshillit Ekonomik Kombëtar të Shtëpisë së Bardhë, Kevin Hassett, këshilltari kryesor ekonomik i Trump, shihet si zgjedhja e mundshme për të pasuar Poëell.

Trump i beson Hassett dhe e sheh atë si të lidhur me dëshirën për të nxitur ulje më agresive të normave të interesit në bankën qendrore.

Hassett ka thënë se do ta pranonte rolin nëse do t'i kërkohej, megjithëse analistët paralajmërojnë se ai mund të ketë vështirësi në bashkimin e komitetit të përcaktimit të normave të interesit të Rezervës Federale dhe mund të jetë më i prekshëm ndaj presionit të Trump./CNA

 





Lajmet e fundit nga