web counter
LEXO PA REKLAMA!

SHKARKO APP

App Store
Google Play

Tragjedia nga zjarri në Hong-Kong/ 13 persona të arrestuar, numri i viktimave shkon në 151

1 Dhjetor 2025, 12:33, Kosova & Bota CNA

Tragjedia nga zjarri në Hong-Kong/ 13 persona të arrestuar, numri i

Autoritetet në Hong-Kong kanë arrestuar 13 persona me dyshimin për "vrasje të paqëllimshme", në lidhje me zjarrin masiv të javës së kaluar që përfshiu shtatë ndërtesat e një kompleksi në Tai Po. Shërbimet e emergjencës e kanë cilësuar zjarrin si më vdekjeprurësin të ndodhur në qytet në 75 vitet e fundit.

Numri i viktimave ka shkuar në 151 dhe pritet të rritet edhe më shumë ndërsa operacionet e kërkim-shpëtimit vazhdojnë. Ndërkohë rreth 40 persona rezultojnë ende të zhdukur.

Zyrtarët thanë se autoritetet për antikorrupsionin kishin arrestuar 13 persona deri më tani lidhur me katastrofën, përfshirë drejtorët dhe një konsulent inxhinierik të një kompanie ndërtimi, dhe kishin filluar menjëherë një hetim gjithëpërfshirës.

Sekretari kryesor i Hong-Kongut, Eric Chan, tha se shtatë nga 20 mostrat e testuara të rrjetës së përdorur në skelat përreth kullave nuk përmbushnin standardet e rezistencës ndaj zjarrit.

Testet fillestare kishin zbuluar se mostrat ishin në përputhje me kodin, por Chan tha se rrjeta më e lirë dhe jo në përputhje me rregullat ishte vendosur në zona të vështira për t'u aksesuar me qëllim që të shmangej zbulimi, duke e përshkruar atë si një "akt të turpshëm".

Arrestimet u pasuan me paralajmërimet nga autoritetet e sigurisë kombëtare se do të merrnin masa të rrepta ndaj kujtdo që konsiderohet se po e përdor incidentin për të nxitur ndjenja “anti-Kinë”. /CNA





Lajmet e fundit nga