Vrasja e Liridona Ademit/ Trondit dëshmitari: Naimi më tha t’i gjuaja, më dha armën me 20 fishekë

30 Nëntor 2025, 17:23, Kosova & Bota CNA

Vrasja e Liridona Ademit/ Trondit dëshmitari: Naimi më tha t’i

Vijojnë dëshmitë dhe detajet rrënqethëse lidhur me vrasjen Liridona Ademit, teksa një nga autorët e dyshuar është edhe ish-bashkëshorti i saj, Naim Murseli.

Dëshmitari Granit Plava ndau para gjykatës në Prishtinë disa pjesë të panjohura nga momentet para vrasjes, të ndodhur më 29 nëntor të 2023 në rrugën “Dalip Alshiqi” në kryqytetin e Kosovës.

Siç raportojnë mediat në Kosovë, në dëshminë e tij Plava tregon se ishte takuar disa ditë para ngjarjes me Naimin, i cili i kishte dhënë një armë me 20 fishekë, ndërsa në momentin kur kishin arritur në një kafene i kishte kërkuar që të gjuante me armë të shoqen.

“Dy ditë më herët, nëpërmjet Kushtrimit, unë u pata taku me Naimin, patëm dalë natën edhe patëm pi. Ditën kritike unë u zgjova në mëngjes, edhe Naimi kah ora 9:30 – 10:00 ka ardhë më ka marrë edhe jena nis për në Prishtinë. Ai ka ec përpara me kerr, unë përmas. Jemi ndal të pompa … edhe aty ma ka lonë allatin e 5 fishekë në shanzher dhe 15 fishekë të tjera. Tani jemi nis për në Prishtinë, ndërkohë ma ka qitë ni kafe edhe mu më ka ardhë qajo energjia madhe.

E kom përcjellë ato deri te shpija e vet edhe e kena pa venin, tani une kom dalë në rrugë e kom njek përmas Naimin, se ai ka pasë mi marrë grunë edhe fmin edhe me dalë në darkë.
Une gjithë jom konë përmas, po mas tina u shku teposhtë ka pas ni aksident të trafikut, une i rashë ni rrugës tjetër se u tuta që po më nxen policia e kisha pi marihuanë. Ma ka shkru Naimi edhe ma ka vet ku je, tani ma ka qu lokacionin me ka prit te shitorja, une tani e kom nxon rrugës.

Kur kemi mri te kafja në Graçanicë ai ka hi me familjen e vet, une kom nejt aty në kafe edhe i pritsha instruksionet, tani me ka shkru Naimi me ka thanë ‘po qohmi?’. Kur kanë dalë prej kafes une jom kan mas tyne, kom mri, jena mri te veni ngat shpise së Naimit, une e kom kan kerrin, edhe kur ai u nal i kom dalë përpara, ate e kan qel xhamin pak edhe kom unë e kom qellu në drejtim të asaj grusë. Naimi thojke “gjuj gjuj” po une u nisa drejt teposhtë edhe me kerr kom mri në shpi. Mas nja ni ore kom mri në shpi kom ra kom flejt, të nesërmen kom marrë vesh që ajo ka dek. Mas dy ditëve ka ardhë policia edhe më kanë arrestu”-ka deklaruar Plava./CNA