web counter
LEXO PA REKLAMA!

SHKARKO APP

App Store
Google Play

E fundit!

x

Një rrugë në New York merr emrin e heroit kombëtar, Isa Boletini  

1 Dhjetor 2025, 14:09, Kosova & Bota CNA

Një rrugë në New York merr emrin e heroit kombëtar, Isa

Një rrugë në New York do të mbajë tani e tutje emrin e heroit kombëtar, Isa Boletinit. Në ceremoninë e inaugurimit ka qenë i pranishëm edhe kryetari i Mitrovicës, Faton Peci. Ky i fundit ka ndarë dhe pamje nga momenti i inaugurimit.

Ai shprehet se ky moment shënon lidhjen e fortë dhe të qëndrueshme ndërmjet popullit shqiptar dhe Shteteve të Bashkuara.

Postimi i plotë:

Me ftesë të Kongresit Amerikan, pata nderin e veçantë që sot në New York të jem pjesë e përurimit të rrugës që tani e tutje mban emrin e heroit tonë kombëtar, Isa Boletinit, një prej figurave më të mëdha të historisë së Shqipërisë dhe Kosovës.

Ky moment shënon jo vetëm respektin ndaj një simboli të pathyeshëm të lirisë, por edhe lidhjen e fortë dhe të qëndrueshme ndërmjet popullit shqiptar dhe Shteteve të Bashkuara. Isa Boletini në Neë York është një mesazh i fuqishëm për brezat e rinj se liria dhe dinjiteti janë vlera që duhet mbrojtur çdo ditë.

Faleminderit miqve kongresmenë, autoriteteve të Neë York dhe komunitetit shqiptar për përkushtimin e tyre të palodhur. Diaspora jonë ka qenë dhe mbetet një forcë e jashtëzakonshme e imazhit dhe interesave të Republikës së Kosovës.

Le të vazhdojmë të ndërtojmë ura të përjetshme miqësie e bashkëpunimi, me dinjitet, me punë dhe me krenari, ashtu si do të donte Gjeneral Boletini.

Zoti e bekoftë Amerikën

Zoti e bekoftë Shqipërinë dhe Kosovën përjetësisht të lirë! /CNA





Lajmet e fundit nga