web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimi i një lufte hibride/ Von der Leyen: Europa të veprojë, synohet përçarja e BE-së

8 Tetor 2025, 20:13, Kosova & Bota CNA

Kërcënimi i një lufte hibride/ Von der Leyen: Europa të

Presidentja e Komisionit Europian, Ursula von der Leyen bëri sot thirrje urgjente që Europa të rrisë kapacitetet e mbrojtjes, për të mbrojtur unionin nga kërcënimi i një lufte hibride.

Deklarata vjen pasi disa shtete janë përballur me ndërhyrje ajrore, sulme kibernetike dhe dëmtime të kabllove nënujore.

“Këto ngjarje janë të mirëorganizuara nga Rusia. Ato synojnë përçarjen e Bashkimit Europian, si edhe dobësimin e mbështetjes sonë për Ukrainën. Dy incidente janë rastësi, por jo tre, pesë, dhjetë. Kjo është një fushatë e qëllimshme dhe e synuar ndaj zonës gri kundër Europës. Europa duhet të përgjigjet",-deklaroi Von der Leyen.

BE-ja pritet të ndërtojë një ‘ushtri’ dronësh dhe përfundimi i saj supozohet të ndodhë brenda vitit 2030.

Ndërkohë, në samitin e Brukselit që do të zhvillohet në datat 23, 24 e 25 tetor, udhëheqësit e BE-së do të përpiqen të bien dakord për një hartë që synon përgatitjen e bllokut për t'u mbrojtur nga kërcënimet ruse në vitet e ardhshme.

Zyrtarët e BE-së besojnë se Rusia mund të sulmojë një vend tjetër evropian brenda tre deri në pesë vitet e ardhshme./CNA





Lajmet e fundit nga