web counter
LEXO PA REKLAMA!

SHKARKO APP

App Store
Google Play

Kaos në Ekuador/ Vriten kongresmeni dhe gruaja e tij

4 Qershor 2024, 08:22, Kosova & Bota CNA

Kaos në Ekuador/ Vriten kongresmeni dhe gruaja e tij

Kongresmeni Cristhian Nieto dhe gruaja e tij u qëlluan për vdekje të dielën në mbrëmje në qytetin Manta, në Manabí, në perëndim të Ekuadorit.

Neito dhe gruaja e tij po ndiqnin një shfaqje cirku në qendër të qytetit port të Mantas, në provincën e Manabí-t, kur një grup i armatosur hapën zjarr ndaj tyre.

Autoritetet bënë me dije se sulmi ishte ndaj kongresmenit. Dy persona të tjerë, të identifikuar sipas gazetës "El Universo" si gazetari Josué Suarez dhe një roje sigurie cirku, mbetën të plagosur.

Nieto njihej ndryshe si “Rescate”, (Shpëtimi) pasi bënte punë sociale, ndihmonte fëmijët jetimë, kafshët dhe përdoruesit e drogës.

Dy vrasje të tjera politikanësh kanë tronditur së fundmi provincën e Manabi-t. Në mars, kryebashkiaku i San Vicente, Brigitte García, u qëllua dhe në korrik 2023, kryebashkiaku i Manta-s, Agustín Intriago, u vra ndërsa po ecte nëpër një lagje të qytetit.

I vendosur midis Kolumbisë dhe Perusë, prodhuesit më të mëdhenj të kokainës në botë, Ekuadori vite më parë u bë një qendër logjistike për transportin e drogës në Shtetet e Bashkuara dhe Evropë. Në janar, presidenti Daniel Noboa e shpalli vendin në "konflikt të armatosur të brendshëm" dhe vendosi ushtrinë për të neutralizuar rreth njëzet banda kriminale./ CNA





Lajmet e fundit nga