Kina akuzon MI6 për rekrutimin e punonjësve të shtetit kinez

3 Qershor 2024, 07:44, Kosova & Bota CNA

Kina ka akuzuar Shërbimin e Inteligjencës Sekrete të Mbretërisë së Bashkuar MI6 se ka rekrutuar punonjës të shtetit kinez si spiunë.

Në një postim në kanalin e saj zyrtar WeChat, Ministria e Sigurisë së Shtetit të Kinës tha se operativët e MI6 kthyen një shtetas kinez të identifikuar me mbiemrin Wang dhe gruan e tij me mbiemrin Zhou kundër Pekinit.

Të dy punonin në departamente thelbësore konfidenciale në një agjenci shtetërore kineze.

Ministria pretendoi se MI6 filloi të rekrutonte zotin Wang kur ai shkoi në Mbretërinë e Bashkuar për studime në vitin 2015, nën një program shkëmbimi kino-britanik.

Operatorët treguan "kujdes të veçantë" për të në Mbretërinë e Bashkuar, si për shembull duke e ftuar atë në darka dhe turne për të "kuptuar më mirë interesat dhe dobësitë e tij", pretendoi ministria.

“BBC” ka kontaktuar me autoritetet e Mbretërisë së Bashkuar për një përgjigje.

Kjo vjen pak më shumë se një muaj pasi Britania e Madhe akuzoi dy burra për spiunazh për Kinën. Policia e Mbretërisë së Bashkuar i ka akuzuar ata se i kanë dhënë "artikuj, shënime, dokumente ose informacione" një shteti të huaj, ndërsa Kina i ka quajtur akuzat "shpifje keqdashëse".

Në fillim të këtij muaji, një ish-marins i akuzuar për asistimin e shërbimit të inteligjencës së Hong-Kongut u gjet i vdekur, tha policia.

Pekini dhe disa vende perëndimore po bëjnë gjithnjë e më shumë akuza për spiunazh.

Në rastin e zotit Wang, autoritetet kineze thanë se operativët e MI6 përfituan nga dëshira e madhe për para e zotit Wang, u miqësuan me të në kampus nën maskën se ishin studentë dhe e detyruan të ofronte "shërbime këshillimi me pagesë".

Pas një periudhe kohe, dhe nën vlerësimin e tyre i kërkuan atij t'i shërbente qeverisë britanike në këmbim të një shpërblimi më të mirë dhe oferta sigurie, pretendoi Ministria e Sigurimit të Shtetit të Kinës.

Nëpërmjet zotit Wang, operativët e MI6 rekrutuan gjithashtu zonjën Zhou për të spiunuar për Kinën, shtoi ai.

Ministria e Sigurisë së Shtetit të Kinës ka postuar përditësime të shpeshta në kanalin e saj zyrtar që kur u lançua në gusht./ CNA