web counter
LEXO PA REKLAMA!

SHKARKO APP

App Store
Google Play

Investimet në teknologji/ Manastirliu: Shtrijmë në 650 shkolla laboratorët Smart

11 Dhjetor 2023, 16:10, Kosova & Bota CNA
Investimet në teknologji/ Manastirliu: Shtrijmë në 650 shkolla
Ministrja e Arsimit dhe Sportit Ogerta Manastirliu në gjimnazin “Ismail Qemali”

Ministrja e Arsimit dhe Sportit, Ogerta Manastirliu, bën me dije se ka vijuar shtrirja e laboratorëve të inteligjencës artificiale, në fazën e dytë të këtij projekti në shkolla, për të rinjtë nga 13-19 vjeç.

Manastirliu bëri një vizitë në gjimnazin “Ismail Qemali”, ku pa nga afër projektet e realizuara nga nxënësit në Laboratorin e Inteligjencës Artificiale.

"Projekti i inteligjencë artificiale ka si objektiv për të përfshirë më shumë se 2 mijë nxënës edhe 140 mësues, për të rritur kapacitetet dhe orientuar zgjidhjet inteligjente, nëpërmjet këtyre programeve",- tha Ministrja Manastirliu.

Ministrja Manastirliu tha se do të vijohet me investimet me 216 laboratorë Smart për vitin 2024, dhe duke vijuar nga 2025, do të kemi shtrirjen e këtyre laboratorëve në 650 shkolla të tjera.

“Do të vijojmë me investimet me 216 laboratorë Smart për vitin 2024, dhe duke vijuar nga 2025, do të kemi shtrirjen e këtyre laboratorëve në 650 shkolla të tjera, gjë që do të bëjë të mundur që edukimi digjital të bëhet pjesë e kurrikulës dhe e mësimit të përditshëm të fëmijëve që në moshë të vogël, por nga ana tjetër edhe të zhvillojë mendimin kritik", tha Manastirliu.

Laboratori i Inteligjencës Artificiale në gjimnazin "Ismail Qemali" është pjesë e projektit ‘AI for Youth’, ku në faqen e parë janë përfshirë nëntë shkolla dhe aktualisht projekti po shtrihet edhe në 15 shkolla të tjera.

Projekti i laboratorëve të inteligjencës artificiale për të rinjtë, po implementohet në kuadër të politikave të qeverisë shqiptare, Ministrisë së Arsimit, në bashkëpunim me Fondacionin Shqiptaro-Amerikan për Zhvillim (AADF) dhe Intel Corporation Inc., nga i cili përfitojnë nxënës të grupmoshës nga 13-19 vjeç./ CNA





Lajmet e fundit nga