web counter
LEXO PA REKLAMA!

SHKARKO APP

App Store
Google Play

E fundit!

x

"S’e përqafoi, e preku me tre gishta”/ Mësuesja e Liridonës kërkon dënimin me vdekje për Naim Murselin

11 Dhjetor 2023, 10:15, Kosova & Bota CNA
"S’e përqafoi, e preku me tre gishta”/ Mësuesja e
Teuta Haxhiu

Teuta Haxhiu, mësuesja e Liridona Ademajt, 30-vjeçares, e cila u vra mbrëmjen e 29 nëntorit në një lagje të Prishtinës, ka treguar detaje nga jeta e të resë. 

Në një intervistë për "Euronews Albania", mësuese Haxhiu kërkoi që të kthehet dënimi me vdekje, ndërsa nënvizoi se Liridona Ademaj ka qenë nxënëse shembullore.

“U tmerrova për ngjarjen e Liridonës. Vdekja e Liridonës në prezencën e fëmijëve ka qenë një vdekje e dyfishtë. Kam menduar se kush ka pas shpirt dhe po të jetë një kriminel, nuk duhet të ndodhte në prezencën e fëmijëve. Nuk kam menduar kurrë që Naimi mund të ketë qenë vrasësi i gruas së tij. Duhet të dënohet me vdekje, sepse ashtu e meriton. Ajo u martua shumë herët. Martesat e hershme nuk janë martesa të mira. Nuk do ta largoj kurrë prej mendjes sime. Zëri i motrave që e thirrnin Liridonë, çohu se ka ardhur mësuesja Teutë”, tha Teuta Haxhiu.

Ajo tregoi momentin kur Naimi e përshëndeti për herë të fundit bashkëshorten e tij, e cila u vra me porosi të tij. Ajo tha se ai nuk qau dhe as nuk e përqafoi për herë të fundit gruan e tij. 

“Ka qenë vajzë shumë e hareshme dhe shumë e zgjuar. Ka reflektuar gjithmonë pozitivitet. Asnjëherë nuk do të largohet prej mendjes sime. Kishte një mavijosje në syrin e majtë. Nuk e harroj momentin kur Naimi me ftohtësi, vendosi tre gishta në ballin e saj dhe nuk e përqafoi. Nuk nxori një lot. U thashë kolegëve si është e mundur që bashkëshorti nuk e përqafon në këtë ditë kur ai nuk do e shoh më”, - tha ajo./CNA

 

 





Lajmet e fundit nga