web counter
LEXO PA REKLAMA!

SHKARKO APP

App Store
Google Play

Tërmeti në Turqi/ Shpresat për të mbijetuarit po “shuhen”, banorët: Po djegim stola për t’u ngrohur

9 Shkurt 2023, 09:41, Kosova & Bota CNA

Tërmeti në Turqi/ Shpresat për të mbijetuarit po

Ekipet e shpëtimit në Turqi dhe Siri vazhdojnë sot kërkimet mes të ftohtit të ashpër për të gjetur të mbijetuar në rrënoja. 72 orët e para janë kritike për gjetjen e të mbijetuarve, me më shumë se 90% të të mbijetuarve të vendosur brenda asaj kohe, vëren Ilan Kelman, një studiues i fatkeqësive në University College London (UCL).

Ndërsa operacionet vazhdojnë ditë e natë, rënia e re e temperaturës e bën jetën një makth për të mbijetuarit që nuk kanë ku të shkojnë.

Tërmeti në Turqi/ Shpresat për të mbijetuarit po

Në Gaziantep të Turqisë temperatura ka rënë në -5 gradë Celsius herët në mëngjes, raporton mdia greke, Protothema.

Palestra, xhamitë, shkollat dhe dyqanet kanë mirëpritur të mbijetuarit, por shtretërit janë të paktë dhe mijëra njerëz kalojnë netët në makinat e tyre ose në strehimore të improvizuara.

"Fëmijët tanë po ngrijnë”, u shpreh Ahmed Hussein, një baba i pesë fëmijëve, i cili u detyrua të ngrinte një strehë pranë shtëpisë së tij të dëmtuar në Gaziantep, një qytet pranë epiqendrës së tërmetit 7.8 ballë.

“Po djegim stola”

“Duhej të digjnim stolat e parkut dhe disa nga rrobat e fëmijëve. Nuk kishte asgjë tjetër”, shton ai. “Të paktën të na kishin dhënë çadra” , thekson Ahmaed Hussein duke iu referuar autoriteteve turke.

Tërmeti në Turqi/ Shpresat për të mbijetuarit po

Gjatë vizitës së tij në rajon, presidenti turk Rexhep Tajip Erdogan të mërkurën pranoi se ishin bërë disa gabime në menaxhimin e katastrofës, ndërsa kritikat u shtuan.

“Sigurisht që ka pasur boshllëqe, është e pamundur të përgatitemi për një fatkeqësi të tillë”, vlerësoi Erdogan./CNA.al





Lajmet e fundit nga