web counter
LEXO PA REKLAMA!

SHKARKO APP

App Store
Google Play

Greqi, Bashkia e Volos në gjendje të jashtëzakonshme prej një muaji, shkak ndotja e detit nga peshqit e ngordhur

31 Gusht 2024, 16:36, Kosova & Bota CNA

Greqi, Bashkia e Volos në gjendje të jashtëzakonshme prej

Bashkia e Volos ka shpallur gjendjen e jashtwzakonshme ditwn e premte, e cila do tw zgjas pwr njw muaj. Kjo pwr shkak të tonelatave peshk të ngordhur që janë kthyer nw njw bombë mjedisore për rajonin.

Në njoftimin zyrtar thuhet se:

“Me vendim të Sekretarit të Përgjithshëm të Mbrojtjes Civile Vasilios Papageorgiou, Bashkia Volos e Njësisë Rajonale Magnezi & Sporada të Rajonit të Thesalisë është shpallur në gjendje të jashtëzakonshme të Mbrojtjes Civile, për të përballuar emergjencat dhe për të menaxhuar pasojat që vijnë nga ndotja detare e ndodhur në gjirin Pagasitik, më 28-08-2024.

Deklarata në fjalë do të jetë e vlefshme nga data e shfaqjes së fenomenit për një muaj, pra deri në datën 30 shtator 2024. Pas përfundimit të kohës së përcaktuar, Gjendja e mësipërme e Urgjencës së Mbrojtjes Civile do të hiqet, thuhet në vendimin përkatës”.

Në të njëjtën kohë, për shkak të problemit me peshqit e ngordhur, Autoritetet rekomandojnë shmangien e futjes nw det në disa plazhe të Magnezisë.

Siç u bë e ditur të premten, Departamenti i Shëndetit Publik dhe Kujdesit Social të Rajonit të Thesalisë rekomandon shmangien e notit, për shkak të peshqve të ngordhur në Volos, në brigjet: Sutrali Agrias, Plakes, Anavros, Xenia, Pefkakia - Bregdeti komunal i Volos (plazh Alykon), Alykes, Amfanon, Amaryllis .

Ky rekomandimi do të jetë i vlefshëm deri në eliminimin e erës së keqe dhe pranisë së peshqve të ngordhur, me qëllim mbrojtjen e shëndetit të banoreve dhe sigurimin e shëndetit publik./CNA





Lajmet e fundit nga