web counter
LEXO PA REKLAMA!

SHKARKO APP

App Store
Google Play

E fundit!

x

Gjykata e Lartë e SHBA pezullon vendimin për pilulën e abortit

15 Prill 2023, 09:04, Kosova & Bota CNA
Gjykata e Lartë e SHBA pezullon vendimin për pilulën e abortit
Foto ilustruese

Presidenti i Gjykatës së Lartë të SHBA-së, Samuel Alito pezulloi sot përkohësisht një vendim të një gjykate në Teksas që kufizonte aksesin në pilulën e abortit "mifepristone".

Pardje, Departamenti Amerikan paraqiti një kërkesë në Gjykatën e Lartë për të mbrojtur aksesin në pilulën e abortit.

Prokurori i Përgjithshëm i SHBA Merrick Garland tha se departamenti "do të kërkojë ndihmë urgjente nga Gjykata e Lartë për të mbrojtur vendimin shkencor të FDA dhe aksesin e amerikanëve në kujdesin riprodhues të sigurt dhe efektiv".

Ilaçi i quajtur mifepriston, u miratua për përdorim nga Administrata e Ushqimit dhe Barnave më shumë se dy dekada më parë. Ai përdoret i kombinuar me një ilaç të dytë, misoprostolin. Sipas Departamentit të Drejtësisë, prej miratimit të tij, mifepristoni është përdorur nga më shumë se 5 milionë gra për t'i dhënë fund në mënyrë të sigurt shtatzënisë dhe sot më shumë se gjysma e grave që i kanë dhënë fund shtatzënisë, janë mbështetur tek ky ilaç.

Vendimet e mëparshme për pilulën: 

Një gjykatës federal në shtetin amerikan të Teksasit, i emëruar nga ish-presidenti i SHBA-së, Donald Trump, urdhëroi më 8 prill të pezullojë miratimin e ilaçit të abortit mifepristone, i cili është përdorur prej 23 vitesh.

Një gjykatës i emëruar nga ish-presidenti amerikan Barack Obama në shtetin e Uashingtonit dha vendimin e kundërt një orë më vonë, duke urdhëruar që aksesi ndaj drogës të ruhet në 17 shtete. 

Gjykata e Apelit e Qarkut të Pestë me bazë në Nju Orleans javën e kaluar e ndaloi urdhrin e gjykatësit të rrethit amerikan Matthew Kaczmarik nga Amarillo, Teksas, duke pezulluar miratimin e ilaçit nga FDA derisa të dëgjojë një padi nga një grup kundër abortit që kërkon të ndalojë pilulën.

 

 





Lajmet e fundit nga