web counter
LEXO PA REKLAMA!

SHKARKO APP

App Store
Google Play

Gjeneralit Clark i jepet dekorata “Dr.Ibrahim Rugova”

23 Qershor 2024, 10:23, Kosova & Bota CNA
Gjeneralit Clark i jepet dekorata “Dr.Ibrahim Rugova”
Gjenerali amerikan, Wesley Clark

Gjenerali amerikan, Wesley Clark, është nderuar të dielën në Prishtinë me dekoratën “Dr.Ibrahim Rugova” nga Lidhja Demokratike e Kosovës, LDK, për rolin e tij në çlirimin e Kosovës.

Clark ka udhëhequr fushatën ajrore të NATO-s kundër caqeve ushtarake serbe më 1999.

Fushata e sulmeve të NATO-s, e cila ka zgjatur 11 javë, është kryer për të ndalur dhunën e forcave serbe kundër shqiptarëve në Kosovë.

Bombardimet e NATO-s më 1999 ishin operacioni i dytë i madh luftarak i NATO-s, pas sulmeve të vitit 1995 në Bosnje dhe Hercegovinë.

Megjithatë, ajo ka qenë hera e parë që NATO-ja - në historinë e saj të atëhershme 50-vjeçare - e ka përdorur forcën ushtarake pa miratimin e shprehur të Këshillit të Sigurimit të OKB-së.

NATO-ja i ka ndërprerë sulmet pas 78 ditësh - përkatësisht më 10 qershor, 1999 - apo një ditë pas nënshkrimit të Marrëveshjes së Kumanovës.

Me këtë marrëveshje, të negociuar ndërmjet NATO-s dhe zyrtarëve ushtarakë jugosllavë, forcat jugosllave janë tërhequr nga Kosova dhe është krijuar forca paqeruajtëse ndërkombëtare, e udhëhequr nga NATO-ja./ Rel





Lajmet e fundit nga