web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi voton qeverinë e re/ Mickoski: T'i përveshim mëngët, të luftojmë krimin 

22 Qershor 2024, 14:02, Kosova & Bota CNA
Kuvendi voton qeverinë e re/ Mickoski: T'i përveshim
Hristijan Mickoski, foto marrë nga Google

"Ka ardhur koha t'i përveshim mëngët, t’i japim fund krimit dhe të punojmë për të mirën e qytetarëve", ka deklaruar të shtunën mandatari për kryeministër të Maqedonisë së Veriut, Hristijan Mickoski, në seancën e Kuvendit për zgjedhjen e qeverisë së re.

Hristijan Mickoski është kryetar i VMRO DPMNE-së, e cila fitoi zgjedhjet e rregullta parlamentare që u mbajtën më 8 maj.

Qeveria e re do t’i ketë 24 ministri, 4 më shumë sesa përbërja e deritashme, ndërsa pjesë e saj, përveç VMRO DPMNE-së, do të jetë koalicioni VLEN, që e përbëjnë katër parti shqiptare dhe partia ZNAM, të cilën e përbëjnë ish-anëtar të Lidhjes Socialdemokrate (LSDM).

Këto parti kanë një shumicë parlamentare prej 78 deputetëve nga 120, sa numëron gjithsej Kuvendi.

Për zgjedhjen e qeverisë së re duhet të votojnë 61 deputetë, ndërsa sipas rregullores së Kuvendit, debati nuk mund të zgjasë më shumë se dy ditë.

Sundimi i ligjit, lufta kundër krimit të organizuar dhe korrupsionit, zhvillimi ekonomik dhe integrimi evropian i vendit, do të jenë prioritetet kryesore të punës së qeverisë, sipas Mickoskit./CNA 





Lajmet e fundit nga