web counter
LEXO PA REKLAMA!

SHKARKO APP

App Store
Google Play

E fundit!

x

Vendimi drastik/ Barcelona do ndalojë marrjen me qira të apartamenteve për turistët

22 Qershor 2024, 09:33, Kosova & Bota CNA
Vendimi drastik/ Barcelona do ndalojë marrjen me qira të apartamenteve
Barcelona, foto: The Guardian

Barcelona, një destinacion kryesor spanjoll për pushime, ka njoftuar se do të ndalojë marrjen me qira të apartamenteve për turistët deri në vitin 2028, një veprim drastik pasi kërkon të frenojë kostot e larta të strehimit dhe ta bëjë qytetin të jetueshëm për banorët.

Kryetari majtist i qytetit, Jaume Collboni, tha të premten se deri në nëntor 2028, Barcelona do të heqë licencat e 10,101 apartamenteve të miratuara aktualisht si qira afatshkurtra, raporton "The Guardianin". 

Bumi i qirave afatshkurtra në Barcelonë, qyteti më i vizituar i Spanjës nga turistët e huaj, bëri që disa banorë të mos mund të përballonin një apartament pasi qiratë u rritën me 68% në 10 vitet e fundit dhe kostoja e blerjes së një shtëpie u rrit me 38%, tha Collboni. Aksesi në strehim ishte bërë një nxitës i pabarazisë, veçanërisht për të rinjtë, shtoi ai.

Ministrja socialiste e strehimit e Spanjës, Isabel Rodriguez, tha se mbështet vendimin e Barcelonës.

Platforma e pushimeve me qira Airbnb, nuk iu përgjigj menjëherë një kërkese për koment.

“Collboni po bën një gabim që do të çojë në varfëri dhe papunësi”, tha në një deklaratë shoqata e apartamenteve turistike të Barcelonës Apartur, duke shtuar se ndalimi do të shkaktonte një rritje të apartamenteve turistike të paligjshme.

Hotelet do të përfitojnë nga lëvizja. Hapja e hoteleve të reja në zonat më të njohura të qytetit u ndalua nga një parti e ekstremit të majtë që qeveriste Barcelonën midis 2015 dhe 2023, por Collboni ka sinjalizuar se mund të lehtësonte kufizimin./CNA 





Lajmet e fundit nga