web counter
LEXO PA REKLAMA!

SHKARKO APP

App Store
Google Play

E fundit!

x

22 të vrarë gjatë një sulmi pranë zyrës së Kryqit të Kuq në Gaza

22 Qershor 2024, 08:51, Kosova & Bota CNA
22 të vrarë gjatë një sulmi pranë zyrës së
Foto: AFP

Komiteti Ndërkombëtar i Kryqit të Kuq thotë se zyrat e tij në Gaza janë dëmtuar nga bombardimet, ku janë vrarë 22 njerëz që kishin kërkuar strehim rreth kompleksit. 

“Pradhat e kalibrit të rëndë ranë pranë zyrave dhe rezidencave të Komitetit Ndërkombëtar të Kryqit të Kuq të premten pasdite”, thuhet në një deklaratë të Kryqit të Kuq, raporton BBC. 

Në njoftim u saktësua se palët kishin detyrimin të merrnin masa paraprake për të shmangur dëmtimin e civilëve dhe objekteve humanitare.

Ministria e Shëndetësisë në Gaza e drejtuar nga Hamasi dha shifra të ndryshme, duke thënë se 25 persona ishin vrarë dhe 50 të plagosur nga bombardimet, për të cilat fajësoi Izraelin.

Ushtria izraelite nisi një fushatë për të shkatërruar grupin e armatosur palestinez në përgjigje të një sulmi të paprecedentë në Izraelin jugor më 7 tetor, gjatë të cilit rreth 1200 njerëz - kryesisht civilë - u vranë dhe 251 të tjerë u morën peng.

Më shumë se 37,390 njerëz janë vrarë në Gaza që atëherë, sipas Ministrisë së Shëndetësisë të territorit të Hamasit. 

Sekretari i Përgjithshëm i OKB-së Antonio Guterres ka paralajmëruar se armiqësitë midis Izraelit dhe lëvizjes islamike libaneze Hezbollah rrezikojnë të shkaktojnë një katastrofë për rajonin dhe më gjerë./CNA 





Lajmet e fundit nga