web counter
LEXO PA REKLAMA!

SHKARKO APP

App Store
Google Play

E fundit!

x

Gjenden të pajetë 5 skiatorë në Alpe

11 Mars 2024, 07:27, Kosova & Bota CNA

Gjenden të pajetë 5 skiatorë në Alpe

Gjenden trupat e pesë skiatorëve të zhdukur në Alpet zvicerane. Autoritetet lokale janë ende në kërkim të një personi të gjashtë.

Një operacion i madh kërkimi dhe shpëtimi filloi të shtunën pasi grupi u zhduk pranë malit 3,706 metra të lartë Tete Blanche.

Ata ishin nisur nga Zermatt, shtëpia e malit të famshëm Matterhorn, në një turne skish drejt Arollës përgjatë kufirit zvicerano-italian.

Pesë nga gjashtë skiatorët u gjetën në orën 21:20 me orën lokale (20:20 GMT) "pa asnjë shenjë jete", thuhej në një deklaratë nga policia zvicerane e kantonit Valais.

Autoritetet i kishin thënë më parë "BBC"-së se skiatorët ishin të gjithë shtetas zviceranë dhe ishin të moshës nga 21 deri në 58 vjeç.

Policia lokale tha se ekipet në të dyja anët e rrugës ishin alarmuar, por moti i keq po pengonte operacionin.

Prej disa ditësh në Alpe fryn erëra të forta dhe gjatë 24 orëve të fundit reshje të dendura bore.

Zoti Truffer tha se grupi mund të jetë kapërcyer nga moti i keq, në vend që të jetë goditur nga një ortek, sepse ata u zhdukën në një pjesë të rrugës Zermatt Arolla ku rreziku i ortekëve është i ulët./ CNA





Lajmet e fundit nga