web counter
LEXO PA REKLAMA!

SHKARKO APP

App Store
Google Play

E fundit!

x

Finlanda heton dëmin e shkaktuar kabllove nënujorë elektrikë me Estoninë

26 Dhjetor 2024, 08:19, Kosova & Bota CNA

Finlanda heton dëmin e shkaktuar kabllove nënujorë elektrikë

Kryeministri i Finlandës, Petteri Orpo, tha të mërkurën se autoritetet në vendin e tij po hetojnë rreth dëmit që u është shkaktuar kabllove elektrikë nënujorë që janë të lidhur me Estoninë.

Një ndërprerje e paplanifikuar në linjën ‘Estlink 2’ ndodhi gjatë ditës sipas njoftimit të kompanisë finlandeze "Fingrid" duke zvogëluar kapacitetin e prodhimit në 358 megavat nga mbi 1 mijë që është kapaciteti i plotë i saj.

“Pavarësisht se jemi në festën e Krishtlindjeve, autoritetet janë në gjendje gatishmërie për ta hetuar çështjen”, tha Kryeministri Orpo përmes një publikimi në rrjetin social "X".

Ndërprerja nuk ndikoi në furnizimin me energji elektrike të Finlandës, shtoi ai.

Autoritetet në rajon kanë qenë në gatishmëri të lartë për t’iu kundërpërgjigjur rasteve të mundshme të sabotazhit pas një mori dëmesh që u janë bërë kabllove të energjisë, tubacioneve të gazit dhe lidhjeve telefonike në vitet e fundit. Megjithatë shpesh kabllot nënujorë përballen me probleme teknike dhe ndërprerje të shkaktuara nga aksidentet.

“Një hetim për incidentin është nisur”, tha në një deklaratë një nga menaxherët e kompanisë "Fingrid", Arto Pahki./ VOA





Lajmet e fundit nga