web counter
LEXO PA REKLAMA!

SHKARKO APP

App Store
Google Play

Sulme në Ukrainë edhe për Krishtlindje/ Mesazhi i Zelenskit: Liria ka çmim të lartë

25 Dhjetor 2022, 08:52, Kosova & Bota CNA
Sulme në Ukrainë edhe për Krishtlindje/ Mesazhi i Zelenskit:
Presidenti ukrainas Volodymyr Zelensky

Presidenti ukrainas Volodymyr Zelensky i ka kërkuar popullit të tij që të qëndrojë përballë sulmeve ruse, ndërsa vendi feston Krishtlindjet.

Përmes një mesazhi për të gjithë popullin e tij, Zelenksy tha: "Liria ka një çmim të lartë. Por skllavëria ka një çmim edhe më të lartë."

Sulmet me raketa dhe dron të Rusisë kanë lënë miliona ukrainas pa energji, ngrohje dhe ujë të rrjedhshëm.

Gjatë të shtunës, sulmet ajrore ruse vranë 10 persona në qytetin jugor Kherson të Ukrainës, sipas zyrtarëve.

Autoritetet rajonale thanë se 68 persona të tjerë u plagosën dhe u bënë thirrje banorëve vendas që të dhurojnë urgjentisht gjak.

Duke e përshkruar Rusinë si një "vend terrorist", Zelensky akuzoi trupat ruse për "vrasje për hir të frikësimit dhe kënaqësisë".

Në një postim në rrjetet sociale, ai tregoi foto të rrugëve të shpërndara me trupa dhe makina të djegura, duke thënë se "bota duhet të shohë dhe të kuptojë se me çfarë të keqeje absolute po luftojmë".

Kherson, i vetmi kryeqytet rajonal i pushtuar nga Rusia që kur nisi pushtimin e saj të plotë më 24 shkurt, u çlirua nga Ukraina muajin e kaluar.

Që atëherë, ajo ka qenë shpesh në shënjestër nga forcat ruse të pozicionuara në bregun e majtë (lindor) të lumit Dnipro.

Moska ka mohuar në mënyrë të përsëritur të ketë shënjestruar civilët në sulmet e saj. Megjithatë, presidenti Vladimir Putin ka pranuar së fundmi se trupat ruse kanë goditur objektet kritike energjetike të Ukrainës./ CNA.al





Lajmet e fundit nga