E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shifra të "kobshme" infektimesh në Kinë/ Qeveria censurë medias, shefi i shëndetësisë zbulon të vërtetat

24 Dhjetor 2022, 15:03, Kosova & Bota CNA

Shifra të "kobshme" infektimesh në Kinë/ Qeveria

Kina është përfshirë prej kohësh nga një tjetër valë e ethshme e COVID-19, kun ë një qytet të vetëm po raportohen mbi gjysëm milionë njerëz të infektuar brenda ditës.

Një zyrtar i lartë shteti ka deklaruar se vala e infeksioneve të vendit nuk po pasqyrohet në statistikat zyrtare.

Një gazetë e operuar nga partia komuniste në Qingdao raportoi se shefi komunal i shëndetësisë ka deklaruar se qyteti lindor po shihte "midis 490,000 dhe 530,000" raste të reja Covid në ditë.

Qyteti bregdetar me rreth 10 milionë banorë ishte "në një periudhë transmetimi të shpejtë të COVID, përpara se qyteti të përballej me pikën kulmore të infektimeve", tha Bo Tao të premten, duke shtuar se shkalla e infeksionit do të përshpejtohej me 10% të tjera gjatë fundjavës.

Këto shifra ngjallën një frikë të madhe, për përhapjen e një valë të kobshme të COVID, por shumë shpejt raportet në media u redaktuan, duke mos treguar shifrat e vërtëta të infektimeve.

Komisioni Kombëtar i Shëndetit i Kinës tha se vetëm 4,103 infeksione të reja u regjistruan në të gjithë vendin të premten, pa asnjë humbje jete. Në Shandong, provinca ku ndodhet Qingdao, autoritetet regjistruan zyrtarisht vetëm 31 raste të reja shtëpiake.

Kina këtë muaj çmontoi me shpejtësi shtyllat kryesore të strategjisë së saj zero-Covid, duke hequr izolimin e menjëhershëm, karantinat e gjata dhe kufizimet e udhëtimit në një ndryshim të shpejtë të strategjisë së saj të kontrollit.

Qytetet në të gjithë vendin kanë luftuar për të përballuar pasi infeksionet në rritje kanë zbrazur raftet e farmacive , kanë mbushur repartet e spitaleve dhe duket se kanë shkaktuar grumbullime në krematoriume dhe shtëpi funerale.

Qeveria e Kinës ka kontroll të rreptë mbi mediat e vendit, me legjione censuruesish online në dispozicion për të fshirë përmbajtjet që konsiderohen të ndjeshme politikisht. Kjo është arsyeja përse ka dyshime se nuk po raportohet e vërteta./CNA.al Burimi: The Guardian.