web counter
LEXO PA REKLAMA!

SHKARKO APP

App Store
Google Play

E jashtëzakonshme/ 4 fëmijë mbijetojnë në xhungël, gjenden pas 40 ditësh

11 Qershor 2023, 11:30, Kosova & Bota CNA
E jashtëzakonshme/ 4 fëmijë mbijetojnë në xhungël,
Foto ilustruese

Katër fëmijë janë gjetur të gjallë, pas më shumë se një muaji, duke u endur në Amazonë ku mbijetuan në xhungël, sipas presidentit kolumbian Gustavo Petro.

"Mësimi i tyre nga familjet indigjene për të jetuar në xhungël, i ka shpëtuar," u tha Petro gazetarëve të premten, pasi njoftoi në "Twitter" se ata ishin gjetur 40 ditë pasi u zhdukën sepse avioni në të cilin udhëtonin u rrëzua.

Presidenti i Kolumbisë tha se shpëtimi i vëllezërve e motrave, 13, nëntë, katër dhe një vjeç, ishte "një gëzim për të gjithë vendin". Nëna e fëmijëve dhe dy pilotët humbën jetën kur avioni i tyre u rrëzua në xhungël më 1 maj.

Fëmijët e humbur u bënë fokusi i një operacioni të madh shpëtimi që përfshinte dhjetëra ushtarë dhe banorë vendas. Presidenti Gustavo Petro tha se gjetja e fëmijëve ishte një "ditë magjike", duke shtuar: "Ata ishin vetëm, ata vetë arritën një shembull të mbijetesës totale që do të mbetet në histori".

Autoritetet i gjetën fëmijët pasi dëgjuan të qarat e fëmijës më të vogël, një foshnje, tha udhëheqësi indigjen Lucho Acosta për "CNN" të shtunën./ CNA.al





Lajmet e fundit nga