E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Do të ngremë Prokurori të re"/ Kurti: Nga 141.6 mln euro, borxhin e ulëm në 33 mln euro

17 Janar 2025, 08:56, Kosova & Bota CNA

"Do të ngremë Prokurori të re"/ Kurti: Nga 141.6 mln

Kryeministri dhe kryetari i LVV, Albin Kurti

Kryeministri dhe kryetari i LVV, Albin Kurti, zhvilloi në Istog një takim në kuadër të zgjedhjeve, që Kosova do të mbajë më 9 shkurt. Kurti tha se gjatë qeverisjes së tij, ekonomia e vendit ka shënuar rritje. Ai tha se kur erdhi në pushtet në 2020, gjeti 141.6 milionë euro borxhe ndaj operatorëve ekonomikë të sektorit privat. Sipas tij, borxhi ra dhe aktualisht është 33 milionë euro.

“Në vitin 2020, qeveria paraprake, i ka lanë borxhe të papagume 141.6 milionë euro ndaj operatorëve ekonomikë të sektorit privat të Republikës së Kosovës. 141.6 milionë euro, shteti, për shkak të keq qeverisjes, ia ka pasë borxh sektorit privat. E a e dini sa është 141.6 milionë euro, që shteti me ato ish qeveritë jau ka pasë sektorit privat të ndërmarrësve në Kosovë? Sa buxheti i kombinuar i: Istogut, Podujevës, Gjilanit, Shtimes, Junikut, Kamenicës e Hanit të Elezit marrë së bashku. Qikaq borxh i kanë pas ndërmarrësve tonë që e kanë barrën kryesore të punësimit të qytetarëve, ish qeveria në emër të shtetit. E tash, e tash, pas më pak se katër vjet qeverisje, me neve ky borxh ka ra në 33 milionë euro, apo më pak se buxheti i komunës së Gjakovës.”

Kurti u angazhua për krijimin e një prokurorie të re me argumentin se organi i akuzës nuk e ka ndihmuar shtetin për të luftuar krimin e organizuar dhe luftën ndaj strukturave të Serbisë. Kjo prokurori si mos me qenë e Kosovës. Për këso prokurorie Kosova nuk ka nevojë. Kjo prokurori ka nevojë për një prokurori të re të Kosovës që vjen pas fitores sonë të re për mandatin tonë të ri qeverisës në Republikën e Kosovës.

“Ju e keni pa që krerët e prokurorisë nuk po na mbështetin në luftim të krimit të organizuar dhe po ashtu po na pengojnë në luftimin e strukturave të Serbisë. Kjo prokurori si mos me qenë e Kosovës. Për këso prokurorie Kosova nuk ka nevojë. Kjo prokurori ka nevojë për një prokurori të re të Kosovës që vjen pas fitores tonë të re për mandatin tonë të ri qeverisës në Republikën e Kosovës.”

Kurti shprehu bindjen se VV do t’I fitojë zgjedhjet parlamentare të 9 shkurtit. Kujtojmë se mandati që po përfundon i qeverisë Kurti ishte i pari që u realizua i plotë që nga shpallja e pavarësisë./CNA