web counter
LEXO PA REKLAMA!

SHKARKO APP

App Store
Google Play

E fundit!

x

Britania e Madhe përforcon ushtrinë ukrainase/ Dhuron raketa me rreze të gjatë veprimi

11 Maj 2023, 17:42, Kosova & Bota CNA
Britania e Madhe përforcon ushtrinë ukrainase/ Dhuron raketa me rreze
Foto ilustruese

Britania e Madhe ka qenë një përkrahëse e palëkundur e Ukrainës në luftën e saj me Rusinë, që në ditën e parë.

Të mërkurën, shteti britanik ka konfirmuar se po pasuron arsenalin e ushtrisë ukrainase me raketa me rreze të gjatë veprimi.

Raketa e lundrimit Storm Shadow ka një rreze prej mbi 250 km.

Sekretari i Mbrojtjes i Mbretërisë së Bashkuar, Ben Wallace, ka thënë se me arsenal të këtij kalibri, shteti i Ukrainës do të ketë "shansin më të mirë" për të mbrojtur veten.

Ky vendim vjen pas lutjeve të përsëritura nga Ukraina për më shumë armë nga Perëndimi.

Ministri ukrainas i Mbrojtjes, Oleksii Reznikov premtoi se raketat me rreze më të gjatë nuk do të përdoren për të sulmuar objektivat brenda vetë Rusisë.

“Nëse ne mund të godasim në një distancë deri në 300 kilometra, ushtria ruse nuk do të jetë në gjendje të sigurojë mbrojtje dhe do të duhet të humbasë. Ukraina është e gatshme të japë çdo garanci se armët tuaja nuk do të përfshihen në sulmet në territorin rus”, tha ai në një takim të BE-së./ CNA.al





Lajmet e fundit nga