web counter
LEXO PA REKLAMA!

SHKARKO APP

App Store
Google Play

E fundit!

x

BE: Kosova duhet të formojë sa më shpejt institucionet e reja

24 Prill 2025, 17:59, Kosova & Bota CNA

BE: Kosova duhet të formojë sa më shpejt institucionet e reja

Bashkimi Evropian tha se sot se është në interesin e Kosovës që të formojë shpejt institucionet e saj.

Zëdhënësi për Zgjerimin e BE-së, Guillaume Mercier, tha të enjten se formimi i shpejtë i institucioneve të Kosovës është i rëndësishëm për përmbushjen e reformave evropiane dhe për të ecur përpara në këtë rrugë.

"Ajo që mund të them është se është në interesin e Kosovës që të formohen shpejt institucionet, gjë që është shumë e rëndësishme për përmbushjen e reformave evropiane dhe për të ecur përpara në këtë rrugë. Është e rëndësishme edhe për çështje të tjera, siç është Plani i Rritjes, siç e dini, duhet të konstituohet Parlamenti i Kosovës për të vazhduar punën në këtë drejtim”, -tha Mercier, i pyetur nëse moskonstituimi i Kuvendit ka pasoja në marrëdhëniet e Kosovës me bllokun.

Kosova nuk mund të marrë pagesat e para nga Plani i Rritjes derisa Kuvendi të ratifikojë fondet dhe marrëveshjen e kredisë me Bashkimin Evropian. Marrëveshjet ndërkombëtare ratifikohen me dy të tretat e shumicës.

Kuvendi i Kosovës nuk arriti të konstituohet për herë të pestë të mërkurën, më 23 prill.
Deputetët do të mblidhen sërish të premten, më 25 prill, në një tjetër tentativë për të votuar për kryetaren e Kuvendit./CNA 





Lajmet e fundit nga