web counter
LEXO PA REKLAMA!

SHKARKO APP

App Store
Google Play

Nderimet për Papa Françeskun/ Mijëra njerëz në radhë për të kryer homazhet e fundit

24 Prill 2025, 16:58, Kosova & Bota CNA

Nderimet për Papa Françeskun/ Mijëra njerëz në

Një radhë e panumërt njerëzish vijon të jetë pa ndërprerje në Sheshin Shën Pjetrit në Vatikan. Turma e vendosur në numër që vjen në rritje, presin të shohin dhe kryejnë homazhet e fundit ndaj Papa Françeskut, që u shua të hënën në moshën 88-vjeçare. Pelegrinë, studentë dhe besimtarë nga Roma dhe mbarë globi janë mbledhur për të bërë nderimet e tyre. Procesioni zyrtar drejt bazilikës filloi pak pas orës 9 të mëngjesit me orën lokale, kur dyert u hapën për publikun.

Arkivoli do të qëndrojë në Bazilikën e Shën Pjetrit deri në varrimin e tij në orën 10:00 të së shtunës. Bazilika do të qëndrojë e hapur të mërkurën dhe të enjten në mbrëmje deri në mesnatë për të lejuar besimtarët të bëjnë nderimet e tyre. Periudha e zisë publike do të përfundojë në orën 19:00 të premten.

Nderimet për Papa Françeskun/ Mijëra njerëz në

Sipas vlerësimeve jozyrtare të shërbimit italian të sigurisë në sheshin e Shën Pjetrit, rreth 100 mijë persona kanë mbetur në shesh pas orës 17:00. Duke pasur parasysh pjesëmarrjen, tha një zyrtar i zyrës së shtypit të Vatikanit, zyrtarët mund t'i lënë dyert e bazilikës të hapura përtej mesnatës.

Françesku do të varroset në bazilikën papale të Santa Maria Maggiore. Ai do të jetë Papa i parë që do të varroset jashtë Vatikanit në më shumë se një shekull.

Këmbanat e Shën Pjetrit u shoqëruan nga një procesion prej 80 kardinalësh, peshkopësh, pastorë nga rreth 50 famulli të Romës, miq të ngushtë dhe të afërm të Françeskut, priftërinj dhe murgesha me banim në Vatikan dhe roje zvicerane. Gjashtë pontificë ecën përgjatë çdo ane të arkivolit./CNA



 





Lajmet e fundit nga