web counter
LEXO PA REKLAMA!

SHKARKO APP

App Store
Google Play

Shuarja e Papa Françeskut/ Funerali, të shtunën në Bazilikën e Shën Pjetrit

22 Prill 2025, 14:31, Kosova & Bota CNA

Shuarja e Papa Françeskut/ Funerali, të shtunën në

Funerali i Papa Françeskut do të mbahet më 26 prill në orën 10:00 në Bazilikën e Shën Pjetrit, referuar njoftimit të bërë nga Vatikani. Procesi do të kryesohet nga Dekani i Kolegjit të Kardinalëve, Kardinali Giovanni Battista Re.

Mëngjesin e së mërkurës trupi i Papa Françeskut do të transferohet në Bazilikën e Vatikanit, pasi aktualisht ndodhet në Casa Santa Marta.

Dita e varrimit të Atit të Shenjtë është dhe dita e parë e “novendialit”, pra nëntë ditët e zisë për shuarjen e Papa Françeskut.

Kështu, Mesha e dritës dhe funerali i Papa Françeskut do të mbahen të shtunën e ardhshme, më 26 prill 2025, në orën 10:00, ditën e parë të Novendiali-t, përpara Bazilikës së Shën Pjetrit, siç parashikohet në Ordo Exsequiarum Romani Pontificis.

Në përfundim të kremtimit Eukaristik do të bëhet bekimi dhe përshëndetja e fundit (Ultima commendatio e Valedictio). Më pas arkivoli i Papës do të çohet në Bazilikën e Shën Pjetrit dhe prej andej në Bazilikën e Santa Maria Maggiore për varrim.

Disa krerë shtetesh dhe qeverish kanë njoftuar pjesëmarrjen e tyre.

Papa Françesku u shua mëngjesin e djeshëm si pasojë e një goditjeje në tru./ CNA





Lajmet e fundit nga