web counter
LEXO PA REKLAMA!

SHKARKO APP

App Store
Google Play

Ditëlindja e Hashim Thaçit/ Balla: Uroj sa më shpejt të takohemi në Kosovë e në Shqipëri

24 Prill 2025, 16:06, Kosova & Bota CNA

Ditëlindja e Hashim Thaçit/ Balla: Uroj sa më shpejt të

Ministri i Shtetit për Marrëdhëniet me Parlamentin, Taulant Balla, uron ish-presidentin e Kosovës, Hashim Thaçi, në 57-vjetorin e lindjes.

Përmes një fotografie të postuar në rrjetin social "Facebook" së bashku me një ish-ushtar të UÇK-së dhe duke mbajtur flamurin kombëtar në hyrje të Gjykatës së Hagës, Taulant Balla është shprehur se mezi pret të takohet me Hashim Thaçin në Kosovë dhe në Shqipëri. 

"GËZUAR DITËLINDJEN PRESIDENT THAÇI! 

Uroj që sa më shpejt të takohemi në Kosovë e në Shqipëri",-uron Balla.  

Ish-presidenti dhe ish-kryeministri i Kosovës, Hashim Thaçi, së bashku me ish-komandantë të tjerë të UÇK-së, njëherësh ish-zyrtarë të lartë të shtetit, Jakup Krasniqi, Kadri Veseli dhe Rexhep Selimi, ndodhen prej 5 vjetësh të paraburgosur në Hagë, të arrestuar nën pretendimin se kanë kryer krime lufte dhe krime kundër njerëzimit në vendin e tyre, ndërsa luftonin për liri kundër pushtuesit serb./CNA





Lajmet e fundit nga