web counter
LEXO PA REKLAMA!

SHKARKO APP

App Store
Google Play

BE-ja prezanton fondin prej 2.3 miliardë eurosh për rindërtim të Ukrainës

10 Korrik 2025, 13:12, Kosova & Bota CNA

BE-ja prezanton fondin prej 2.3 miliardë eurosh për rindërtim

Komisioni Europian ka bërë të ditur se do t'i ndajë 2.3 miliardë euro për të mbështetur Ukrainën që të rindërtohet pas dëmit që i është shkaktuar nga lufta e Rusisë.

Në fonde përfshihen 1.8 miliardë euro si kredi dhe 580 milionë euro si grante prej institucioneve ndërkombëtare dhe institucioneve për financim publik, ka thënë presidentja e Komisionit Europian, Ursula von der Leyen, në një konferencë në Romë, duke folur për planet për rindërtim të Ukrainës.

Konferenca është mbajtur teksa qindra dronë rusë dhe dhjetëra raketa e kanë goditur Kievin në orët e hershme të mëngjesit, duke vrarë dy persona. Në takimin e mbajtur në kryeqytetin italian, Ukraina ka kërkuar ndihmë urgjente nga partnerët.

Fondi prej 2.3 miliardë eurosh është pjesë e Kornizës për Investime në Ukrainë, e cila sipas Von der Leyen-it i mbledh rreth 10 miliardë euro për investime në Ukrainë.

Ajo ka bërë të ditur për krijimin e një fondi të ri aksionar për rindërtim të Ukrainës, të përkrahur nga Banka Europiane e Investimeve, Franca, Gjermania, Italia dhe Polonia.

Me një kapital fillestar prej 22 milionë eurove, fondi synon t’i mbledhë 500 milionë euro deri në 2026, ka bërë të ditur Komisioni Europian. Lufta në Ukrainë ka nisur më 24 shkurt të vitit 2022.

Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.





Lajmet e fundit nga