web counter
LEXO PA REKLAMA!

SHKARKO APP

App Store
Google Play

Asambleja e Përgjithshme e OKB-së kërkon armëpushim në Gaza

13 Dhjetor 2023, 08:08, Kosova & Bota CNA
Asambleja e Përgjithshme e OKB-së kërkon armëpushim në
Foto ilustruese

Asambleja e Përgjithshme e OKB-së voton në favor të një rezolute jodetyruese që kërkon një armëpushim të menjëhershëm humanitar në Gaza.

Presidenti i SHBA-së, Joe Biden, thotë se Izraeli po fillon të humbasë mbështetjen globale për shkak të bombardimeve në Gazë.

Izraeli ka vazhduar bombardimin e Gazës, me fokusin kryesor në Khan Younis në jug. Po ashtu ka pasur edhe luftime në Rafah pranë kufirit me Egjiptin.

Një zyrtar i OBSH-së tregon se sistemi shëndetësor në Gaza ka shkuar nga 36 spitale në vetëm 11 në vetëm 66 ditë dhe ato funksionojnë vetëm pjesërisht.

Në Jenin, në Bregun Perëndimor të pushtuar, gjashtë persona janë vrarë, përfshirë pesë në një sulm me dron, ka bërë me dije Ministria palestineze e Shëndetësisë.

Hamasi depërtoi perimetrin e mbrojtur fort të Izraelit më 7 tetor, duke vrarë 1200 njerëz dhe duke marrë peng 240 persona, disa prej të cilëve u liruan gjatë një armëpushimi të shkurtër.

Ministria e shëndetësisë e drejtuar nga Hamasi në Gaza ka deklaruar se reagimi ushtarak i Izraelit ka vrarë më shumë se 18,200 njerëz dhe plagosur më shumë se 50,000 të tjerë./ CNA





Lajmet e fundit nga