web counter
LEXO PA REKLAMA!

SHKARKO APP

App Store
Google Play

E fundit!

x

Albin Kurti, për “Financial Times”: BE dhe SHBA, shumë të buta ndaj Serbisë

28 Maj 2024, 09:24, Kosova & Bota CNA
Albin Kurti, për “Financial Times”: BE dhe SHBA, shumë
Albin Kurti

Kryeministri i Kosovës, Albin Kurti, ka deklaruar në një intervistë për “Financial Times” se Bashkimi Evropian dhe SHBA-ja kanë qenë “shumë të buta” ndaj Serbisë.

Ai ka theksuar se Serbia duhet të qëndrojë në anën e perëndimit kundër Moskës në mënyrë që t’i japë Kosovës sigurinë se është e përkushtuar për normalizimin e marrëdhënieve.

"Brukseli dhe Uashingtoni duhet të ndryshojnë qasjen e tyre dhe t’i japin një afat kohor Serbisë për të vendosur sanksione ndaj Federatës Ruse dhe për të hequr dorë nga përpjekjet për t’u ulur në tre ose katër stola. Sapo Serbia të vendosë sanksione ndaj Federatës Ruse, atëherë do të ishte një moment kur ata do të tregonin se duan të integrohen në BE dhe Serbia pa Rusinë nuk mund të kërcënojë sigurinë e kontinentit. Kështu që atëherë mund të besoja se ata në thelb duan paqe. Edhe SHBA-ja, edhe BE-ja nuk do të përpiqeshin më t’i qetësonin ata", u shpreh Kurti. 

Gjatë intervistës, Kurti nuk pranoi të tregonte nëse policia do të tërheqë njësitë speciale nga komunat veriore, por këmbënguli se ankesat nga serbët për praninë e tyre po pakësoheshin.

"Qasja e butë e perëndimit është pasojë e shpresës së madhe se sa më shpejt Serbia do të hidhet në kampin demokratik perëndimor. Sipas mendimit tim, ne kemi pritur shumë gjatë për të qenë ende me shpresë”, është shprehur kryeministri Kurti./CNA 





Lajmet e fundit nga