web counter
LEXO PA REKLAMA!

SHKARKO APP

App Store
Google Play

Alarm i rremë për bombë në Athinë/ Kontrolle në një avion të kompanisë "Ryanair"

22 Janar 2023, 21:48, Kosova & Bota CNA

Alarm i rremë për bombë në Athinë/ Kontrolle në

Një alarm për bombë në një avion të “Ryanair”, që ishte nisur nga Polonia me 192 persona në bord, është ngritur ditën e sotme në Athinë të Greqisë.

Pas kontrolleve ka rezultuar se alarmi ka qenë i rremë.

Media e shtetit fqinj “Kathimerini” raporton se avioni i linjës Katovicë – Athinë u ul në aeroportin “Eleftherios Venizelos” dhe udhëtarët u evakuuan menjëherë, por fatmirësisht në të nuk kishte pasur bombë.

“Shtabi i Policisë Helenike njofton se, në kuadër të hetimeve të informacionit, në lidhje me ekzistencën e një lënde shpërthyese në një avion të një kompanie që fluturonte nga një vend i huaj drejt Athinës, avioni, pas vendimit të Komisionit të Sigurisë së Aeroportit, të shoqëruar nga avionë luftarakë, u ul i sigurt pasditen e sotme (22-01-2023) në Aeroportin Ndërkombëtar të Athinës " Eleftherios Venizelos”.

Më pas është bërë kontrolli i të gjithë pasagjerëve, si dhe në avion nga shërbimet kompetente të Policisë Greke, pa dalë asgjë e dyshimtë”, thuhet në njoftimin e autoriteteve greke./ B.A. – CNA.al





Lajmet e fundit nga